കൽപ്പറ്റ: വയനാട്ടിൽ കാട്ടാന ആക്രമണത്തിൽ ഒരാൾ മരിച്ചു. പൂളക്കൊല്ലി സ്വദേശി അറുമുഖൻ ആണ് കൊല്ലപ്പെട്ടത്. കോളനിയോട് ചേര്ന്ന പ്രദേശത്ത് എത്തിയ കാട്ടാന ഇയാളെ ആക്രമിക്കുകയായിരുന്നെന്നാണ് വിവരം.
കാട്ടാനയുടെ സാന്നിധ്യമുള്ള പ്രദേശമാണ് എരുമക്കൊല്ലി. സംഭവസ്ഥലത്തുവെച്ചുതന്നെ അറുമുഖൻ മരിച്ചു. മൃതദേഹം പുറത്തെത്തിക്കാനുള്ള ശ്രമത്തിലാണ് വനംവകുപ്പ് ഉദ്യോഗസ്ഥർ.
അതേസമയം സംസ്ഥാനത്ത് കാട്ടാനയുടെ ആക്രമണത്തിൽ മരണം വർധിച്ചുവരികയാണ്. നേരത്തേയും എരുമക്കൊല്ലിയിലും മറ്റു ഭാഗങ്ങളിലും കാട്ടാനയുടെ ആക്രമണത്തിൽ ആളുകൾ കൊല്ലപ്പെട്ടിരുന്നു. ഇക്കഴിഞ്ഞ ഫ്രെബ്രുവരിയില് നൂല്പ്പുഴയില് ആദിവാസി യുവാവ് കൊല്ലപ്പെട്ടിരുന്നു.
ഇടുക്കിയിൽ കോളേജ് ബസ് താഴ്ചയിലേക്ക് മറിഞ്ഞു; നിരവധി പേര്ക്ക് പരിക്ക്
തൊടുപുഴ: കോളേജ് ബസ് താഴ്ചയിലേക്ക് മറിഞ്ഞ് അപകടം. നിരവധി പേർക്ക് പരിക്കേറ്റു. ഇടുക്കി പള്ളിക്കാനത്ത് ആണ് സംഭവം. വാഗമണ് ഡിസി കോളേജിന്റെ ബസാണ് അപകടത്തിൽപ്പെട്ടത്.
നിയന്ത്രണം വിട്ട ബസ് താഴ്ചയിലേക്ക് മറിയുകയായിരുന്നു. അപകടത്തിൽ വിദ്യാര്ത്ഥികള്ക്കും ബസ് ഡ്രൈവര്ക്കും പരിക്കേറ്റിട്ടുണ്ട്. ബസ് ഡ്രൈവറെ മൂലമറ്റത്തെ സ്വകാര്യ ആശുപത്രിയില് പ്രവേശിപ്പിച്ചു. ഇയാളുടെ പരിക്ക് ഗുരുതരമല്ല എന്നാണ് വിവരം.
