നിലമ്പൂര്: കാട്ടാനയുടെ ആക്രമണത്തില് ആദിവാസിക്ക് ദാരുണാന്ത്യം. നിലമ്പൂര് വാണിയമ്പുഴ ഉന്നതിയിലാണ് കാട്ടാനയുടെ ആക്രമണം ഉണ്ടായത്. വാണിയമ്പുഴ സ്വദേശി ബില്ലി(52)യാണ് കൊല്ലപ്പെട്ടത്.
ബുധനാഴ്ച വൈകിട്ട് നാലരയോടെ ആയിരുന്നു കാട്ടാനയുടെ ആക്രമണം ഉണ്ടായത്. നിലമ്പൂരിലെ മുണ്ടേരി ഫാമിന് അപ്പുറം ചാലിയാര് പുഴയുടെ അക്കരെ സ്ഥിതി ചെയ്യുന്ന വാണിയമ്പുഴ ആദിവാസിമേഖലയാണ്.
കാട് മൂടിക്കിടക്കുന്ന പ്രദേശത്തുള്ള തോടിന് അടുത്തുവെച്ചു ബില്ലിയെ കാട്ടാന ആക്രമിക്കുകയായിരുന്നു എന്നാണ് വിവരം. സംഭവത്തിന് പിന്നാലെ വനംവകുപ്പ് ഉദ്യോഗസ്ഥര് സ്ഥലത്തെത്തി.
മൃതദേഹം നിലമ്പൂര് ജില്ലാ ആശുപത്രിയിലേക്ക് എത്തിക്കാനുള്ള ശ്രമങ്ങള് നടത്തുകയാണ്. എന്നാൽ കനത്തമഴയായതിനാല് ചാലിയാറില് കുത്തൊഴുക്കാണ്. അതിനാല് പ്രദേശത്തേക്ക് പൊലീസിന് എത്തിച്ചേരാൻ സാധിച്ചിട്ടില്ല.
Summary: A tribal man was tragically killed in a wild elephant attack in Vaniyambuzha, Nilambur. The victim has been identified as Billy (52), a resident of Vaniyambuzha.
