ഇറാനെതിരെ ഒന്നിക്കാൻ ഗൾഫ് രാജ്യങ്ങൾ; ശക്തമായ തിരിച്ചടിക്ക് ജിസിസി (GCC) തീരുമാനം

ദുബായ് ∙ ഇറാന്റെ ആക്രമണങ്ങൾക്കെതിരെ ഒരുമിച്ച് നീങ്ങാൻ ഗൾഫ് സഹകരണ കൗൺസിൽ (ജിസിസി) തീരുമാനിച്ചു.

വിഡിയോ കോൺഫറൻസിലൂടെ ചേർന്ന ജിസിസി അംഗരാജ്യങ്ങളുടെ വിദേശകാര്യ മന്ത്രിമാരുടെ അടിയന്തര യോഗത്തിലാണ് ഈ തീരുമാനമെടുത്തത്.

ആവശ്യമെങ്കിൽ ശക്തമായ തിരിച്ചടി നൽകുന്നതടക്കം സ്വയം പ്രതിരോധത്തിനുള്ള എല്ലാ നടപടികളും സ്വീകരിക്കുമെന്ന് ഗൾഫ് രാജ്യങ്ങൾ വ്യക്തമാക്കി.

യോഗത്തിൽ യുണൈറ്റഡ് അറബ് എമിറേറ്റ്സ്, ബഹ്റൈൻ, സൗദി അറേബ്യ, ഒമാൻ, ഖത്തർ, കുവൈത്ത് എന്നീ ആറ് രാജ്യങ്ങളിലെയും വിദേശകാര്യ മന്ത്രിമാർ പങ്കെടുത്തു.

ഇറാൻ നടത്തിയ ആക്രമണങ്ങൾ മൂലം തങ്ങളുടെ രാജ്യങ്ങളിൽ ഉണ്ടായ നാശനഷ്ടങ്ങൾ മന്ത്രിമാർ വിലയിരുത്തി.

രാജ്യങ്ങളുടെ സുരക്ഷയും പൗരന്മാരുടെയും താമസക്കാരുടെയും സംരക്ഷണവും ഉറപ്പാക്കുന്നതിനായി ആവശ്യമായ എല്ലാ നടപടികളും സ്വീകരിക്കുമെന്ന് ജിസിസി വ്യക്തമാക്കി.

ആക്രമണങ്ങൾക്ക് ശക്തമായ തിരിച്ചടി നൽകുന്ന കാര്യവും സജീവ പരിഗണനയിലുണ്ടെന്നും അറിയിച്ചു.

ഇറാൻ ആക്രമണങ്ങൾ ഉടൻ അവസാനിപ്പിക്കണമെന്ന് ജിസിസി ആവശ്യപ്പെട്ടു.

ഗൾഫ് മേഖലയിലെ അസ്ഥിരത ഒരു പ്രാദേശിക പ്രശ്നം മാത്രമല്ലെന്നും, അത് ആഗോള സമ്പദ്‌വ്യവസ്ഥയെ തന്നെ ബാധിക്കുന്നതാണെന്നും ജിസിസി പ്രസ്താവനയിൽ പറഞ്ഞു.

ഇതിനിടെ, യു.എ.ഇയ്‌ക്കെതിരെ നടന്ന ആക്രമണങ്ങളെ ഇന്ത്യയുടെ പ്രധാനമന്ത്രി നരേന്ദ്ര മോദി അപലപിച്ചു. യു.എ.ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ എന്നിവരുമായി മോദി ഫോൺ സംഭാഷണം നടത്തി.

ആക്രമണങ്ങളിൽ ജീവൻ നഷ്ടപ്പെട്ടവർക്കു അനുശോചനം രേഖപ്പെടുത്തിയ മോദി, പ്രതിസന്ധി നിറഞ്ഞ ഈ ഘട്ടത്തിൽ യു.എ.ഇയ്‌ക്കൊപ്പം ഇന്ത്യ ഉറച്ചുനിൽക്കുന്നതായും വ്യക്തമാക്കി.

യു.എ.ഇയിൽ താമസിക്കുന്ന ഇന്ത്യൻ സമൂഹത്തിന്റെ സുരക്ഷയും പരിചരണവും ഉറപ്പാക്കുന്നതിന് നന്ദി അറിയിച്ചതായും മോദി അറിയിച്ചു.

English Summary
The Gulf Cooperation Council (GCC) has decided to act jointly against Iran’s attacks, stating that all necessary self-defence measures, including possible strong retaliation, will be considered. Foreign ministers of the six GCC countries met via video conference to review the damage and security situation. Meanwhile, Indian Prime Minister Narendra Modi condemned the attacks on the UAE and spoke with UAE President Sheikh Mohamed bin Zayed Al Nahyan, reaffirming India’s support and expressing condolences to the victims.

gcc-to-act-jointly-against-iran-attacks-gulf-countries-meeting-dubai

GCC, Iran attacks, Gulf countries, UAE, Saudi Arabia, Qatar, Oman, Kuwait, Bahrain, Narendra Modi, Sheikh Mohamed bin Zayed Al Nahyan, Middle East crisis, Dubai news