വിനീത് ശ്രീനിവാസൻ, നിഖില വിമൽ എന്നിവരെ കേന്ദ്ര കഥാപാത്രങ്ങളാക്കി എം മോഹനൻ സംവിധാനം ചെയ്ത കോമഡി ചിത്രമായ ‘ഒരു ജാതി ജാതക’മാണ് ഇപ്പോൾ ഒടിടി പ്രദർശനത്തിനായി ഒരുങ്ങിയിരിക്കുന്നത്. മനോരമ മാക്സിലൂടെ മാർച്ച് 14 നാകും ചിത്രം സ്ട്രീമിംഗ് ആരംഭിക്കുക. ജനുവരി 31 നായിരുന്നു ചിത്രത്തിന്റെ തിയേറ്റർ റിലീസ്.
വിവാഹം ആലോചിക്കുന്ന ഒരു യുവാവിൻറെ കഥ പറയുന്ന കോമഡി ചിത്രമാണിത്. വിനീത് ശ്രീനിവാസൻറെ തികച്ചും വേറിട്ട പ്രകടനമാണ് ഈ ചിത്രത്തിലുടനീളം കാണാൻ കഴിയുന്നത്. ബാബു ആന്റണി, പി പി കുഞ്ഞികൃഷ്ണൻ, മൃദുൽ നായർ, ഇഷ തൽവാർ, വിധു പ്രതാപ്, സയനോര ഫിലിപ്പ്, കയാദു ലോഹർ, രഞ്ജി കങ്കോൽ, അമൽ താഹ, ഇന്ദു തമ്പി, രഞ്ജിത മധു, ചിപ്പി ദേവസ്യ, വർഷ രമേശ്, പൂജ മോഹൻരാജ്, ഹരിത പറക്കോട്, ഷോൺ റോമി, ശരത്ത് ശഭ, നിർമൽ പാലാഴി, വിജയകൃഷ്ണൻ, ഐശ്വര്യ മിഥുൻ കൊറോത്ത്, അനുശ്രീ അജിതൻ, അരവിന്ദ് രഘു തുടങ്ങിയവരാണ് സിനിമയിലെ മറ്റു താരങ്ങൾ.
വർണച്ചിത്രയുടെ ബാനറിൽ മഹാസുബൈർ നിർമിക്കുന്ന ഈ ചിത്രത്തിന്റെ ഛായാഗ്രഹണം വിശ്വജിത് ഒടുക്കത്തിലാണ് നിർവഹിച്ചിരിക്കുന്നത്. തിരക്കഥ, സംഭാഷണം: രാകേഷ് മണ്ടോടി, എഡിറ്റർ: രഞ്ജൻ എബ്രഹാം, ഗാനരചന: മനു മഞ്ജിത്ത്, സംഗീതം: ഗുണ ബാലസുബ്രഹ്മണ്യം, എക്സിക്യൂട്ടീവ് പ്രൊഡ്യൂസർ: സൈനുദ്ദീൻ, കല ജോസഫ് നെല്ലിക്കൽ, മേക്കപ്പ്: ഷാജി പുൽപള്ളി, വസ്ത്രാലങ്കാരം: റാഫി കണ്ണാടിപ്പറമ്പ്, കോ റൈറ്റർ: സരേഷ് മലയൻകണ്ടി, പ്രൊഡക്ഷൻ കൺട്രോളർ: ഷമീജ് കൊയിലാണ്ടി, ക്രിയേറ്റീവ് ഡയറക്ടർ: മനു സെബാസ്റ്റ്യൻ, ചീഫ് അസോസിയേറ്റ് ഡയറക്ടർ: അനിൽ എബ്രാഹം, ഫിനാൻസ് കൺട്രോളർ: ഉദയൻ കപ്രശ്ശേരി, കാസ്റ്റിംഗ് ഡയറക്ടർ: പ്രശാന്ത് പാട്യം, അസോസിയേറ്റ് ഡയറക്ടർ: ജയപ്രകാശ് തവനൂർ, ഷമീം അഹമ്മദ്.
