പള്ളത്താംകുളങ്ങര സ്റ്റാൻ്റിൽ ഓട്ടോറിക്ഷ ഓടിച്ചിരുന്ന യുവതിയെ കൊലപ്പെടുത്താൻ ശ്രമിച്ച കേസിലെ രണ്ടാം പ്രതി അറസ്റ്റിൽ.. അരൂർ എരമല്ലൂർ തറയിൽ വീട്ടിൽ ഡാനിയേൽ ജോസഫ് (22)നെയാണ് മുനമ്പം ഡിവൈഎസ്പി എസ്.ജയകൃഷ്ണൻ്റെ നേതൃത്വത്തിലുള്ള പ്രത്യേക അന്വേഷണ സംഘം അറസ്റ്റ് ചെയ്തത്.
8 പേരെ നേരത്തെ പിടികൂടിയിരുന്നു. കഴിഞ്ഞ ജൂൺ പത്തിനാണ് സംഭവം. പ്രതികളുമായുണ്ടായ വാക്കുതർക്കത്തെ തുടർന്ന് യുവതി പോലീസിൽ പരാതി നൽകിയിരുന്നു.
ഇതിൻ്റെ വൈരാഗ്യത്തിൻ പ്രധാന പ്രതിയായ സജീഷ് യുവതിയെ ആക്രമിക്കുന്നതിന് അക്രമീ സംഘത്തെ ഏർപ്പാടാക്കി. തുടർന്ന് ആക്രമിക്കുകയായിരുന്നു. സംഭവ ശേഷം ഡാനിയേൽ ജോസഫ് പല പേരുകളിൽ വേഷം മാറി മുംബൈ, ബംഗലുരു, ചെങ്കോട്ട എന്നിവിടങ്ങളിൽ ഒളിവിൽ കഴിഞ്ഞു.
ചെങ്കോട്ടയിലെ ഉൾഗ്രാമത്തിൽ നിന്നു മാണ് പ്രതിയെ പിടികൂടിയത്. എസ്.ഐമാരായ കെ.എസ് സുനിൽ, എൻ.എ ബിജു, സി പി ഒ കെ. പ്രജിത്ത് തുടങ്ങിയവരാണ് അന്വേഷണ സംഘത്തിലുള്ളത്.
The second accused in the case of attempting to kill the woman driving the autorickshaw has been arrested.
