കുറഞ്ഞെന്ന് കരുതിയപ്പോൾ വീണ്ടും കൂടി… സ്വർണവിലയിൽ ഇന്നത്തെ അപ്രതീക്ഷിത മാറ്റം

കുറഞ്ഞെന്ന് കരുതിയപ്പോൾ വീണ്ടും കൂടി… സ്വർണവിലയിൽ ഇന്നത്തെ അപ്രതീക്ഷിത മാറ്റം

കൊച്ചി: സംസ്ഥാനത്ത് വീണ്ടും സ്വർണവില ഉയർന്നു. ഇന്ന് പവന് 680 രൂപയുടെ വർധനവാണ് രേഖപ്പെടുത്തിയിരിക്കുന്നത്. ഇതോടെ ഒരു പവൻ സ്വർണത്തിന്റെ വില 1,19,760 രൂപയായി. ഗ്രാമിന് 85 രൂപയാണ് കൂടിയത്. ഒരു ഗ്രാം സ്വർണത്തിന്റെ നിലവിലെ വില 14,970 രൂപയാണ്.

ഈ മാസം ഒന്നിന് സ്വർണവില 1,26,920 രൂപയിലായിരുന്നു. അതാണ് ഈ മാസത്തിലെ ഏറ്റവും ഉയർന്ന നിരക്ക്. പിന്നീട് ഏതാനും ദിവസങ്ങൾക്കുള്ളിൽ 8,000 രൂപയ്ക്ക് മുകളിലാണ് വില താഴ്ന്നത്. അതിനുശേഷം സ്വർണവില ഉയർന്നും താഴ്ന്നും മാറിമാറി തുടരുകയാണ്.

പശ്ചിമേഷ്യയിൽ ഉണ്ടായ സംഘർഷത്തിന്റെ തുടക്കത്തിൽ സ്വർണവില വലിയ തോതിൽ ഉയർന്നിരുന്നു. എന്നാൽ പിന്നീട് ആ ആവേശം കുറയുകയും വിലയിൽ ഇടിവ് രേഖപ്പെടുത്തുകയും ചെയ്തു.

സുരക്ഷിത നിക്ഷേപമെന്ന നിലയിൽ ലോകത്തിന്റെ പല ഭാഗങ്ങളിലുമുള്ള കേന്ദ്രബാങ്കുകൾ സ്വർണം വാങ്ങുന്നത് ഉൾപ്പെടെയുള്ള ഘടകങ്ങളും അന്താരാഷ്ട്ര വിപണിയിലെ മാറ്റങ്ങളും സ്വർണവിലയെ സ്വാധീനിക്കുന്നുണ്ട്.

ഇതുവരെ രേഖപ്പെടുത്തിയ ഏറ്റവും ഉയർന്ന സ്വർണവില ജനുവരി 29നാണ്. അന്ന് പവന് 1,31,160 രൂപയായിരുന്നു വില. അതേസമയം, കഴിഞ്ഞ വർഷം ഡിസംബർ 23നാണ് കേരളത്തിൽ ആദ്യമായി പവൻ സ്വർണവില ഒരു ലക്ഷം രൂപ കടന്നത്.

English Summary

Gold prices in Kerala have increased again. The price of gold rose by ₹680 per sovereign today, taking the rate to ₹1,19,760. The price per gram increased by ₹85, reaching ₹14,970. After touching ₹1,26,920 earlier this month, gold prices dropped by more than ₹8,000 within six days and have since been fluctuating. Global factors, including geopolitical tensions in West Asia and central bank gold purchases, continue to influence the price. The all-time record gold price in Kerala remains ₹1,31,160 per sovereign, recorded on January 29.