മുഖ്യമന്ത്രിയുടെ ചിത്രം ഉപയോഗിച്ച് സൈബർ തട്ടിപ്പ്; പൊലീസിന്റെ മുന്നറിയിപ്പ്
തിരുവനന്തപുരം: സമൂഹമാധ്യമങ്ങളിൽ Pinarayi Vijayanന്റെ ചിത്രം ഉപയോഗിച്ച് വ്യാജ പരസ്യങ്ങൾ പ്രചരിപ്പിച്ച് സാമ്പത്തിക തട്ടിപ്പ് നടക്കുന്നതായി പൊലീസ് മുന്നറിയിപ്പ് നൽകി.
“നിങ്ങളുടെ ഫോണിൽ ഫോൺപേ ആപ്പ് ഉണ്ടെങ്കിൽ എളുപ്പത്തിൽ 12,000 രൂപ സമ്പാദിക്കാം” എന്ന തരത്തിലുള്ള സന്ദേശം നൽകിയാണ് തട്ടിപ്പ് നടക്കുന്നത്. പരസ്യത്തിലുള്ള ബട്ടണിൽ ക്ലിക്ക് ചെയ്താൽ മൊബൈൽ ഫോണിൽ PhonePe ആപ്പ് സ്വയം തുറക്കും.
അതിനുള്ളിൽ 1,499 രൂപ ലഭിക്കുമെന്ന് കാണിക്കുന്ന പേജ് പ്രത്യക്ഷപ്പെടും. എന്നാൽ ഇത് യഥാർത്ഥത്തിൽ പണം ലഭിക്കുന്ന പേജ് അല്ല, മറിച്ച് 1,499 രൂപ നൽകാനുള്ള റിക്വസ്റ്റ് പേയ്മെന്റ് പേജാണ്. ഇത് തിരിച്ചറിയാതെ പിൻ നമ്പർ നൽകുന്നവരുടെ അക്കൗണ്ടിൽ നിന്നാണ് പണം തട്ടിപ്പുകാർക്ക് കൈമാറപ്പെടുന്നത്.
സംശയാസ്പദമായ ലിങ്കുകളിലോ ബട്ടണുകളിലോ ക്ലിക്ക് ചെയ്യാതിരിക്കാൻ പൊതുജനങ്ങളോട് പൊലീസ് അഭ്യർത്ഥിച്ചു. ഇത്തരത്തിലുള്ള വ്യാജ പരസ്യങ്ങൾ ശ്രദ്ധയിൽപ്പെട്ടാൽ ഉടൻ പൊലീസിനെ അറിയിക്കണമെന്നും അധികൃതർ അറിയിച്ചു.
സൈബർ തട്ടിപ്പിന് ഇരയായാൽ 1930 എന്ന സൈബർ ഹെൽപ്ലൈൻ നമ്പറിലോ ദേശീയ സൈബർ ക്രൈം പോർട്ടലായ https://cybercrime.gov.in വഴി പരാതിപ്പെടാനും നിർദേശമുണ്ട്.
English Summary
Police have warned about a cyber fraud circulating on social media using the image of Kerala Chief Minister Pinarayi Vijayan. Fake ads claim users can earn ₹12,000 if they have the PhonePe app. Clicking the link opens a payment request page for ₹1,499, and entering the PIN transfers money to fraudsters. Citizens are advised not to click suspicious links and to report cyber fraud through helpline 1930 or the national cybercrime portal.
