അവിഹിത ബന്ധം സംശയിച്ച് ക്രൂരത! ഭാര്യയുടെ സ്വകാര്യഭാഗത്ത് ആസിഡ് ഒഴിച്ച് ഭർത്താവ്

അവിഹിത ബന്ധം സംശയിച്ച് ക്രൂരത! ഭാര്യയുടെ സ്വകാര്യഭാഗത്ത് ആസിഡ് ഒഴിച്ച് ഭർത്താവ്

പൂനെ: ഭാര്യയ്ക്ക് അവിഹിത ബന്ധമുണ്ടെന്ന സംശയത്തെ തുടർന്ന് 25-കാരിയെ ക്രൂരമായി പീഡിപ്പിച്ച ഭർത്താവിനെ പൊലീസ് അറസ്റ്റ് ചെയ്തു. മഹാരാഷ്ട്രയിലെ പൂനെയിലാണ് മനുഷ്യമനസാക്ഷിയെ ഞെട്ടിക്കുന്ന സംഭവം റിപ്പോർട്ട് ചെയ്തത്.

വെൽഡിംഗ് തൊഴിലാളിയായ പ്രതി ജോലി കഴിഞ്ഞ് വീട്ടിലെത്തി ഭാര്യയുമായി തർക്കത്തിലേർപ്പെട്ടതിനു പിന്നാലെ മർദിക്കുകയായിരുന്നുവെന്ന് പൊലീസ് പറഞ്ഞു. തുടർന്ന് വീട്ടിലുണ്ടായിരുന്ന ഫ്ലോർ ക്ലീനിംഗ് ആസിഡ് യുവതിയുടെ സ്വകാര്യഭാഗത്ത് ഒഴിച്ചുവെന്നാണ് പരാതി.

ഗുരുതരമായി പൊള്ളലേറ്റ യുവതി ചികിത്സയ്ക്കായി ആശുപത്രിയിലെത്തിക്കണമെന്ന് ആവശ്യപ്പെട്ടെങ്കിലും പ്രതി അനുവദിച്ചില്ലെന്നും, സംഭവത്തെക്കുറിച്ച് ആരോടെങ്കിലും പറഞ്ഞാൽ കൊല്ലുമെന്ന് ഭീഷണിപ്പെടുത്തിയതായും പരാതിയിൽ പറയുന്നു. തുടർന്ന് യുവതിയെ വീട്ടിൽ പൂട്ടിയിട്ട് ചികിത്സ നിഷേധിച്ചതായും പൊലീസ് വ്യക്തമാക്കി.

ദിവസങ്ങളോളം വേദന സഹിച്ച യുവതി പിന്നീട് മാതാപിതാക്കളുടെ വീട്ടിലെത്തി സംഭവവിവരങ്ങൾ വെളിപ്പെടുത്തുകയായിരുന്നു. തുടർന്ന് മേയ് 15ന് കുടുംബത്തിന്റെ പിന്തുണയോടെ പൊലീസിൽ പരാതി നൽകി.

പരാതിയുടെ അടിസ്ഥാനത്തിൽ പ്രതിക്കെതിരെ ഗുരുതര വകുപ്പുകൾ ചുമത്തി കേസ് രജിസ്റ്റർ ചെയ്തതായി പൊലീസ് അറിയിച്ചു.

English Summary

A man in Pune was arrested for allegedly assaulting his 25-year-old wife and pouring acid on her private parts over suspicions of an extramarital affair. Police said the victim was denied medical treatment and threatened by the accused before she managed to escape and file a complaint with the help of her family.