ക്രിസ്മസ് യാത്രയ്ക്ക് ആശ്വാസം; ബെംഗളൂരുവിൽ നിന്ന് കേരളത്തിലേക്ക് 17 സ്പെഷ്യൽ ബസുകൾ
ബെംഗളുരു: ക്രിസ്മസ് സീസണിൽ സ്വകാര്യ ബസുകളുടെ അമിത ടിക്കറ്റ് നിരക്കുകൾ മലയാളികൾക്ക് വലിയ ബുദ്ധിമുട്ടായി മാറുന്നതിനിടെയാണ് ബെംഗളൂരുവിൽ നിന്ന് ആശ്വാസ വാർത്ത എത്തുന്നത്.
എഐസിസി ജനറൽ സെക്രട്ടറി കെ.സി. വേണുഗോപാൽ എംപിയുടെ ഇടപെടലിനെ തുടർന്ന് ക്രിസ്മസ് തിരക്ക് പരിഗണിച്ച് കേരളത്തിലേക്ക് കൂടുതൽ പ്രത്യേക ബസ് സർവീസുകൾ ആരംഭിക്കാൻ കർണാടക സർക്കാർ തീരുമാനിച്ചു.
ഇതിന്റെ ഭാഗമായി കർണ്ണാടക ആർടിസി 17 സ്പെഷ്യൽ ബസുകൾ സർവീസ് നടത്തുമെന്ന് അറിയിച്ചിട്ടുണ്ട്.
തെരഞ്ഞെടുപ്പ് തോൽവി വൈരാഗ്യം; സിപിഎം മുൻ നേതാവിന് ക്രൂര മർദനം, പ്രാദേശിക നേതാവ് ഉൾപ്പെടെ അറസ്റ്റിൽ
24, 25 തീയതികളിൽ പ്രത്യേക സർവീസ്
ഡിസംബർ 24, 25 തീയതികളിലായി 17 ഓളം സ്പെഷ്യൽ ബസുകളാണ് ബെംഗളൂരുവിൽ നിന്ന് കേരളത്തിലേക്ക് സർവീസ് നടത്തുന്നത്.
ക്രിസ്മസ് യാത്രക്കാരോടൊപ്പം ശബരിമല തീർത്ഥാടകരെയും പരിഗണിച്ചാണ് സർവീസുകൾ ക്രമീകരിച്ചിരിക്കുന്നത്.
എട്ട് ജില്ലകളിലേക്ക് ബസുകൾ
ബെംഗളൂരുവിൽ നിന്ന് എറണാകുളത്തേക്ക് അഞ്ച് ബസുകളും, പാലക്കാട്, തൃശൂർ, കോഴിക്കോട് എന്നിവിടങ്ങളിലേക്ക് മൂന്ന് വീതവും സർവീസ് നടത്തും.
കൂടാതെ കോട്ടയം, കണ്ണൂർ, പമ്പ എന്നിവിടങ്ങളിലേക്ക് ഓരോ ബസുകൾ വീതവും ഷെഡ്യൂൾ ചെയ്തിട്ടുണ്ട്. കേരളത്തിലെ എട്ട് ജില്ലകളിലേക്കാണ് പ്രത്യേക സർവീസ് ലഭിക്കുക.
മലയാളികൾക്ക് വലിയ ആശ്വാസം
ക്രിസ്മസ് അവധിക്ക് നാട്ടിലെത്താൻ തയ്യാറെടുക്കുന്ന ആയിരക്കണക്കിന് മലയാളികൾക്ക് ഈ തീരുമാനം വലിയ ആശ്വാസമാണ്.
സ്വകാര്യ ബസുകളുടെ അമിത നിരക്കുകൾ ഒഴിവാക്കി സുരക്ഷിതവും ചെലവ് കുറഞ്ഞതുമായ യാത്രയാണ് കർണാടക ആർടിസി സർവീസുകൾ ഉറപ്പാക്കുന്നത്.
English Summary:
Following the intervention of AICC General Secretary K.C. Venugopal MP, the Karnataka government has approved special KSRTC bus services from Bengaluru to Kerala for the Christmas season. A total of 17 special buses will operate on December 24 and 25, covering eight districts in Kerala, offering major relief to Malayalis facing high private bus fares.
