സഞ്ജു സാംസണെ ഇത്തവണയും തഴഞ്ഞുവെന്നു റിപ്പോർട്ടുകൾ സൂചിപ്പിക്കുന്നു. ടി20 ലോകകപ്പിനുള്ള ഇന്ത്യന് ടീമില് സഞ്ജു സാംസണെ പരിഗണിക്കുന്നില്ലെന്നാണ് റിപ്പോര്ട്ടുകള്. സഞ്ജുവിനെ കൂടാതെ റിഷഭ് പന്ത്, കെ എല് രാഹുല്, ദിനേശ് കാര്ത്തിക് എന്നിവരെയാണ് വിക്കറ്റ് കീപ്പര് സ്ഥാനത്തേക്ക് മത്സരിക്കുന്നത്. ഇപ്പോള് സഞ്ജു സാംസണ് സ്ഥാനമില്ലെന്നാണ് പുറത്തുവരുന്ന വാര്ത്തകള്.
ഇന്ത്യയുടെ ടി20 ലോകകപ്പിനുള്ള ടീമിനെ തിരഞ്ഞെടുക്കാനുള്ള യോഗം 28ന് ദില്ലിയില് നടക്കുമെന്നാണ് പുറത്തുവരുന്ന വാര്ത്തകള്. ബിസിസിഐ സെലക്ഷന് കമ്മിറ്റി ചെയര്മാന് അജിത് അഗാര്ക്കര് പരിശീലകന് രാഹുല് ദ്രാവിഡും ക്യാപ്റ്റന് രോഹിത് ശര്മയും കൂടിക്കാഴ്ച്ചയില് പങ്കെടുക്കുമെന്നാണ് സൂചന. ഐപിഎല്ലില് നാളെ ഡല്ഹി കാപിറ്റല്സിനെതിരായ മത്സരത്തിന് വേണ്ടിയാണ് രോഹിത് ദില്ലിയിലെത്തിയത്. ശേഷം മറ്റന്നാല് യോഗം ചേരും. ടീമിനെ അന്നുതന്നെ പ്രഖ്യാപിച്ചേക്കുമെന്നാണ് പുറത്തുവരുന്ന സൂചനകള്. ലോകകപ്പിന് ഇന്ത്യയുടെ വിക്കറ്റ് കീപ്പര് ആരാവുമെന്നാണ് ആരാധകര് കാത്തിരിക്കുന്നത്.
