ബംഗ്ലാദേശിലെ ഇന്ത്യൻ ഹൈക്കമ്മീഷൻ ഉദ്യോഗസ്ഥൻ ദുരൂഹ സാഹചര്യത്തിൽ മരിച്ച നിലയിൽ! വിസ സെന്റർ കെട്ടിടത്തിൽ 38-കാരന്റെ മൃതദേഹം കണ്ടെത്തി
ധാക്ക: ബംഗ്ളാദേശിലെ ഇന്ത്യൻ ഹൈക്കമ്മീഷനിലെ ഉദ്യോഗസ്ഥനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. അസിസ്റ്റന്റ് പ്രോട്ടോകോൾ ഓഫീസറായ നരേൻ ധർ (38) ആണ് മരിച്ചത്. ബംഗ്ളാദേശ് മാധ്യമങ്ങളാണ് സംഭവം റിപ്പോർട്ട് ചെയ്തത്.
High Commission of India in Bangladeshയുടെ ഛത്തോഗ്രാം ഓഫീസിനോടു ചേർന്ന പഴയ വിസ സെന്റർ കെട്ടിടത്തിന്റെ രണ്ടാം നിലയിൽ നിന്നാണ് മൃതദേഹം കണ്ടെത്തിയത്. ഡാറ്റ എൻട്രി റൂമിന് സമീപമുള്ള ടോയ്ലറ്റിന് അരികിലായിരുന്നു മൃതദേഹം കിടന്നിരുന്നത്.
നരേൻ ധറുമായി ഏറെ നേരം ബന്ധപ്പെടാൻ കഴിയാതിരുന്നതിനെ തുടർന്ന് എംബസി അധികൃതർ പൊലീസിനെ വിവരം അറിയിക്കുകയായിരുന്നു. തുടർന്ന് Chattogram Metropolitan Police നടത്തിയ പരിശോധനയിലാണ് മൃതദേഹം കണ്ടെത്തിയത്.
മൃതദേഹം പോസ്റ്റ്മോർട്ടത്തിനായി Chattogram Medical College ആശുപത്രിയിലേക്ക് മാറ്റി. പ്രാഥമിക പരിശോധനയിൽ അസ്വാഭാവികതകളൊന്നും കണ്ടെത്താനായിട്ടില്ലെങ്കിലും മരണകാരണം ഇതുവരെ വ്യക്തമായിട്ടില്ലെന്ന് പൊലീസ് അറിയിച്ചു.
സംഭവത്തിൽ വിശദമായ അന്വേഷണം തുടരുകയാണ്. ബംഗ്ളാദേശിലെ ഇന്ത്യയുടെ പ്രധാന ഹൈക്കമ്മീഷൻ ഓഫീസുകൾ ധാക്ക, ഛത്തോഗ്രാം, ഖുൽന, രാജ്ഷാഹി, സിൽഹെറ്റ് എന്നിവിടങ്ങളിലാണുള്ളത്.
English Summary
An Indian High Commission official, Naren Dhar, was found dead under mysterious circumstances in Chattogram, Bangladesh. The 38-year-old assistant protocol officer’s body was discovered near a restroom inside the old visa center building. Police have launched an investigation, though no signs of foul play were found during the preliminary inquiry.
