വായ്പകൾ തീർത്തു കൊടുത്തു, സമ്പാദ്യം മുഴുവൻ നൽകി, വീട്ടുകാർക്കും പരിചയപ്പെടുത്തി; ഒടുവിൽ…. കാമുകിയുടെ വിവാഹ നിശ്ചയത്തിനു പിന്നാലെ ജിം പരിശീലകൻ ആത്മഹത്യ ചെയ്തു

കാമുകിയുടെ വിവാഹ നിശ്ചയത്തിനു പിന്നാലെ ജിം പരിശീലകൻ ആത്മഹത്യ ചെയ്തു


ബെംഗളൂരുവിൽ ഇരുപത്തിയാറുകാരനായ ജിം പരിശീലകൻ ആത്മഹത്യ ചെയ്ത നിലയിൽ കണ്ടെത്തി.

മൂന്ന് വർഷമായി പ്രണയിച്ചിരുന്ന യുവതിയുടെ വിവാഹം മറ്റൊരാളുമായി നിശ്ചയിച്ച വിവരമറിഞ്ഞതിനെ തുടർന്നാണ് കിരൺ എന്ന യുവാവ് ജീവിതം അവസാനിപ്പിച്ചത്.

മഹാലക്ഷ്മി ലേഔട്ടിലെ സ്വന്തം വീട്ടിലായിരുന്നു സംഭവം.

കഴിഞ്ഞ ദിവസം കാമുകിയെ നേരിട്ട് കണ്ടപ്പോഴാണ് തന്റെ വിവാഹം ഉറപ്പിച്ച വിവരം യുവതി കിരണിനെ അറിയിച്ചത്.

തന്റെ വിവാഹ നിശ്ചയത്തിന്റെ വിവരങ്ങളും വിവാഹ വസ്ത്രങ്ങളും ക്ഷണക്കത്തും യുവതി കിരണിനെ കാണിച്ചതായാണ് റിപ്പോർട്ടുകൾ സൂചിപ്പിക്കുന്നത്.

പ്രതീക്ഷിക്കാതെ വന്ന ഈ വാർത്ത കിരണിനെ മാനസികമായി വല്ലാതെ തളർത്തിയിരുന്നു.

കഠിനാധ്വാനവും സാമ്പത്തിക സഹായവും വെറുതെയായി
ബോഡിബിൽഡറായ കിരൺ തന്റെ സമ്പാദ്യമെല്ലാം കാമുകിക്ക് വേണ്ടിയാണ് ചെലവാക്കിയിരുന്നത്.

യുവതിയുടെ വായ്പകൾ തിരിച്ചടയ്ക്കുന്നതിനും മറ്റ് സാമ്പത്തിക ആവശ്യങ്ങൾക്കും കിരൺ വലിയ തോതിൽ പണം നൽകിയിരുന്നു.

വിവാഹം കഴിക്കുമെന്ന ഉറച്ച വിശ്വാസത്തിലായിരുന്ന കിരൺ തന്റെ വീട്ടുകാർക്കും പെൺകുട്ടിയെ പരിചയപ്പെടുത്തിയിരുന്നു.

മുറിക്കുള്ളിൽ കയറി വാതിലടച്ച കിരണിനെ ഏറെ നേരം കഴിഞ്ഞും കാണാതായതോടെ വീട്ടുകാർ വാതിൽ പൊളിച്ചു അകത്തു കയറുകയായിരുന്നു.

അപ്പോഴാണ് കിരണിനെ തൂങ്ങിമരിച്ച നിലയിൽ കണ്ടെത്തിയത്. സംഭവസ്ഥലത്തുനിന്ന് ആത്മഹത്യാക്കുറിപ്പ് പോലീസ് കണ്ടെടുത്തു.

മൃതദേഹം പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റി.
പോലീസ് അന്വേഷണം ആരംഭിച്ചു
യുവതിയുമായുള്ള ബന്ധത്തെക്കുറിച്ചും സാമ്പത്തിക ഇടപാടുകളെക്കുറിച്ചും പോലീസ് വിശദമായ അന്വേഷണം ആരംഭിച്ചിട്ടുണ്ട്.

കിരണിന്റെ മൊബൈൽ ഫോണും ആത്മഹത്യാക്കുറിപ്പും കേന്ദ്രീകരിച്ചാണ് നിലവിൽ അന്വേഷണം പുരോഗമിക്കുന്നത്.

സംഭവത്തിൽ കൂടുതൽ പേരുടെ മൊഴി രേഖപ്പെടുത്തുമെന്ന് പോലീസ് അറിയിച്ചു.

Love Failure, Bengaluru News, Mental Health, Suicide Prevention, Gym Trainer