ജോര്ജുകുട്ടിയുടെ കഥ വീണ്ടും; ‘ദൃശ്യം 3’ ടീസർ സെൻസർ പൂർത്തിയായി
മലയാള സിനിമാപ്രേക്ഷകരും മറുഭാഷാ സിനിമാസ്വാദകരും ഒരുപോലെ കാത്തിരിക്കുന്ന ചിത്രമാണ് ‘ദൃശ്യം 3’. ഇപ്പോൾ ചിത്രവുമായി ബന്ധപ്പെട്ട ഒരു പ്രധാന അപ്ഡേറ്റ് പുറത്തുവന്നിരിക്കുകയാണ് .
ചിത്രത്തിന്റെ ടീസർ സെൻസർ നടപടികൾ പൂർത്തിയാക്കി, ഇന്ന് സർട്ടിഫിക്കറ്റ് നേടിയതായാണ് വിവരം.
1.44 മിനിറ്റ് ദൈർഘ്യമുള്ള ടീസർ
സംവിധായകൻ ജീത്തു ജോസഫ് ഒരുക്കിയ ടീസറിന് 1 മിനിറ്റ് 44 സെക്കൻഡ് ദൈർഘ്യമുണ്ട്.
ടീസർ എപ്പോൾ പുറത്തിറങ്ങും എന്നതിനെക്കുറിച്ചുള്ള ഔദ്യോഗിക പ്രഖ്യാപനം ഉടൻ ഉണ്ടാകുമെന്നാണ് റിപ്പോർട്ട്.
റിലീസ് ഏപ്രിൽ 2-ന്
‘ദൃശ്യം’ ഫ്രാഞ്ചൈസിയിലെ മൂന്നാമത്തെയും അവസാനത്തെയുമായ ഭാഗം ആയ ഈ ചിത്രം ഏപ്രിൽ 2-ന് തിയറ്ററുകളിലെത്തും.
ജഗപൊഗ പ്രതീക്ഷ വേണ്ടെന്ന് ജീത്തു ജോസഫ്
ചിത്രത്തെക്കുറിച്ച് വൻ പ്രതീക്ഷയോടെ തിയറ്ററിലെത്തരുതെന്ന് സംവിധായകൻ ജീത്തു ജോസഫ് മുൻപ് പറഞ്ഞിരുന്നു.
“ദൃശ്യം 3 ആദ്യഭാഗത്തെയും രണ്ടാം ഭാഗത്തെയും പോലെ അല്ല. ജോര്ജുകുട്ടിയുടെ ഇമോഷനുകളിലൂടെയുള്ള യാത്രയാണ് ഈ സിനിമ,” എന്നാണ് അദ്ദേഹത്തിന്റെ വാക്കുകൾ.
താരതമ്യം വേണ്ടെന്നും സംവിധായകൻ
ആദ്യ രണ്ട് ഭാഗങ്ങളുമായി സിനിമയെ താരതമ്യം ചെയ്യാതെ മുൻവിധികളില്ലാതെ കാണാൻ പ്രേക്ഷകരോട് അദ്ദേഹം അഭ്യർത്ഥിച്ചു.
‘ദൃശ്യം 4’ ഉണ്ടാകുമോ?
‘ദൃശ്യം 4’ ഉണ്ടാകുമോ എന്ന ചോദ്യത്തിന്, ഈ ഭാഗത്തോടുകൂടി കഥ അവസാനിപ്പിക്കാനാണ് ശ്രമിക്കുന്നതെന്ന് ജീത്തു ജോസഫ് പറഞ്ഞു.
മൂന്നാം ഭാഗത്തിൽ പുതിയ അഭിനേതാക്കളും
ആദ്യ രണ്ട് ഭാഗങ്ങളിൽ ഉണ്ടായിരുന്നില്ലാത്ത ചില പുതിയ അഭിനേതാക്കളും മൂന്നാം ഭാഗത്തിൽ ഉണ്ടാകുമെന്നാണ് റിപ്പോർട്ട്.
English Summary:
The teaser of Drishyam 3, directed by Jeethu Joseph, has completed censor formalities. The teaser has a runtime of 1 minute 44 seconds, and its official release date is expected to be announced soon. The film, the third and final installment of the Drishyam franchise, is set to release on April 2. Jeethu Joseph has asked audiences not to expect a typical thriller but to watch the film as an emotional journey of Georgekutty.
