കാസർകോട്: ഫുട്ബോള് മത്സരത്തിനിടെ ആരാധകർ തമ്മിൽ കൂട്ടത്തല്ല്. കാസര്കോട് ചിത്താരിയിലാണ് സംഭവം. സംഘർഷത്തിൽ രണ്ട് പേര്ക്ക് പരിക്കേറ്റു.
സംഭവത്തിന് പിന്നാലെ പൂച്ചക്കാട് വീടിന് തീയിടുകയും ചെയ്തിട്ടുണ്ട്. ചിത്താരി ഹസീന സ്പോര്ട്സ് ആന്റ് ആര്ട്സ് ക്ലബ് സംഘടിപ്പിച്ച ഫുട്ബോള് മത്സരത്തിന്റെ ഫൈനലിനിടെയാണ് കൂട്ടത്തല്ല് ഉണ്ടായത്. പരസ്പരമുള്ള വാക്ക് തര്ക്കം കൂട്ടത്തല്ലില് കലാശിക്കുകയായിരുന്നു. വിജയികളായ യംഗ് ഹീറോസ് പൂച്ചക്കാടിന്റെ ആരാധകർ ഗ്രൗണ്ടിൽ ഇറങ്ങി യുവാക്കളെ മര്ദിച്ചുവെന്നാണ് പരാതി.
മർദനത്തോ; തെക്കുംപുറം സ്വദേശി റാഫി, ബാസിത്ത് എന്നിവര്ക്ക് പരിക്കേറ്റു. സംഭവത്തിന് പിന്നാലെ പൂച്ചക്കാട് റഹ്മത്ത് റോഡിലെ കെഎം ഫൈസലിന്റെ വീടിന് ഒരു സംഘം തീയിട്ടു. രണ്ട് ബൈക്കുകളില് എത്തിയ സംഘം പെട്രോള് ഒഴിച്ച് തീയിടുകയായിരുന്നു. ഫര്ണീച്ചറുകള് അടക്കം കത്തി നശിച്ചിട്ടുണ്ട്.
സംഭവ സമയത്ത് ഫൈസലിന്റെ ഭാര്യയും മക്കളും മാത്രമാണ് വീട്ടില് ഉണ്ടായിരുന്നത്. സംഭവത്തിൽ ബേക്കല് പൊലീസ് കേസെടുത്ത് അന്വേഷണം ആരംഭിച്ചു.
