കല്ലാർകുട്ടി അണക്കെട്ടിൽ ചാടിയ മധ്യവയസ്കന്റെ മൃതദേഹം കണ്ടെത്തി
വെള്ളിയാഴ്ച വൈകിട്ട് കല്ലാർകുട്ടി അണക്കെട്ടിലേക്ക് ചാടിയ വയോധികന്റെ മൃതദേഹം കണ്ടെത്തി. കൊന്നത്തടി പഞ്ചായത്തിലെ അഞ്ചാംമൈൽ കമ്പിലൈൻ സ്വദേശി ചാത്തമല ജനാർദ്ദനൻ (68) ന്റെ മൃതദേഹമാണ് ശനിയാഴ്ച രാവിലെ 11 മണിയോടെ അണക്കെട്ടിൽ നിന്നും അഗ്നിരക്ഷാസേനയുടെ നേതൃത്വത്തിൽ പുറത്തെടുത്തത്.
വെള്ളിയാഴ്ച വൈകിട്ട് അഞ്ചുമണിയോടെയാണ് ജനാർദ്ദനൻ കല്ലാർകുട്ടി അണക്കെട്ടിലേക്ക് ചാടിയത്.
ഡാമിൻറ കരയിൽ കണ്ണാടിയും ചെരുപ്പും കിടക്കുന്നത് കണ്ടെത്തിയിരുന്നു.
ഇതിൻറെ അടിസ്ഥാനത്തിലാണ് നാട്ടുകാരും , അഗ്നിരക്ഷാസേനയും ഡാമിൽ പരിശോധന നടത്തിയത്. വെള്ളിയാഴ്ച പരിശോധന നടത്തിയെങ്കിലും കണ്ടെത്താനായില്ല.
അഞ്ചാംമൈലിൽ പെട്ടിക്കട നടത്തുന്ന ജനാർദ്ദനൻ വെള്ളിയാഴ്ച ഉച്ചയോടെയാണ് കല്ലാർകുട്ടിയിലെത്തിയത്. ജീവനൊടുക്കുവാനുള്ള കാരണം വ്യക്തമല്ല. മൃതദേഹം അടിമാലി താലൂക്ക് ആശുപത്രിയിൽ പോസ്റ്റ് നടത്തി ബന്ധുക്കൾക്ക് വിട്ടുകൊടുത്തു.
