മത്സരത്തിനുള്ള തയ്യാറെടുപ്പുകൾക്കിടെ ബംഗ്ലാദേശ് ക്രിക്കറ്റ് പരിശീലകൻ കുഴഞ്ഞുവീണു മരിച്ചു

മത്സരത്തിനുള്ള തയ്യാറെടുപ്പുകൾക്കിടെ ബംഗ്ലാദേശ് ക്രിക്കറ്റ് പരിശീലകൻ കുഴഞ്ഞുവീണു മരിച്ചു

ധാക്ക: മത്സരത്തിനുള്ള തയ്യാറെടുപ്പുകൾക്കിടെ ബംഗ്ലാദേശ് പ്രീമിയർ ലീഗ് ക്രിക്കറ്റ് ടീമിന്റെ പരിശീലകൻ കുഴഞ്ഞുവീണു മരിച്ചു.

ധാക്ക ക്യാപിറ്റൽസ് ടീമിന്റെ അസിസ്റ്റന്റ് കോച്ചായ മഹ്ബൂബ് അലി സാക്കിയാണ് മരിച്ചത്. പരിശീലനത്തിനിടെയാണ് അദ്ദേഹം കുഴഞ്ഞുവീണത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

ഹൃദയാഘാതമാണ് മരണകാരണമെന്ന് ഡോക്ടർമാർ അറിയിച്ചു. രാജ്ഷാഹി വാരിയേഴ്സിനെതിരായ മത്സരത്തിനുള്ള ഒരുക്കങ്ങൾ നടക്കുന്നതിനിടെയായിരുന്നു സംഭവം.

ആശുപത്രിയിൽ പ്രവേശിപ്പിച്ച് തീവ്രപരിചരണ വിഭാഗത്തിൽ ചികിത്സ നൽകിയെങ്കിലും മരണം സംഭവിക്കുകയായിരുന്നു.

സാക്കിയുടെ വിയോഗത്തെ തുടർന്ന് ധാക്ക ക്യാപിറ്റൽസിലെയും രാജ്ഷാഹി വാരിയേഴ്സിലെയും താരങ്ങൾ മത്സരത്തിന് മുമ്പ് ഒരു മിനിറ്റ് മൗനം ആചരിച്ച് ആദരാഞ്ജലി അർപ്പിച്ചു.

ബംഗ്ലാദേശ് ക്രിക്കറ്റ് താരം ഷാക്കിബ് അൽ ഹസൻ ഉൾപ്പെടെ നിരവധി പേർ സാക്കിയുടെ മരണത്തിൽ അനുശോചനം രേഖപ്പെടുത്തി.

English Summary

Mahboob Ali Saki, assistant coach of the Bangladesh Premier League team Dhaka Capitals, collapsed and died during match preparations in Dhaka. Doctors confirmed that he suffered a heart attack. Players from Dhaka Capitals and Rajshahi Warriors observed a minute’s silence in his memory, while Bangladesh cricketer Shakib Al Hasan expressed condolences.

bangladesh-premier-league-assistant-coach-mahboob-ali-saki-dies

Bangladesh Premier League, Cricket, Dhaka Capitals, Mahboob Ali Saki, Sports News, Bangladesh Cricket