പിലിഭിത്ത്: രാജ്യത്ത് വീണ്ടും ട്രെയിൻ പാളം തെറ്റിക്കാൻ ശ്രമം. പാളത്തിൽ 25 അടി നീളമുള്ള ഇരുമ്പ് കമ്പി വെച്ചാണ് അട്ടിമറി ശ്രമം നടന്നത്. ഉത്തർ പ്രദേശിലെ പിലിഭിത്തിലാണ് സംഭവം.(Attempt to derail again, iron wire found on track)
പിലിഭിത്ത് ബറേലി സിറ്റി എക്സ്പ്രസ് സ്പെഷ്യൽ ട്രെയിൻ കടന്നു പോകുമ്പോഴാണ് സംഭവം. കമ്പി ലോക്കോ പൈലറ്റിൻ്റെ ശ്രദ്ധയിൽപ്പെട്ടതിനാൽ വൻ ദുരന്തമാണ് ഒഴിവായത്. പാളത്തിൽ ഇരുമ്പ് കമ്പി വെച്ചത് ശ്രദ്ധയിൽപ്പെട്ടതിവെ തുടർന്ന് ലോക്കോ പൈലറ്റ് എമർജൻസി ബ്രേക്ക് പ്രയോഗിക്കുകയായിരുന്നു. എന്നാലും എഞ്ചിനിൽ ഈ കമ്പി കുരുങ്ങിയിരുന്നു.
പൊലീസ് സംഭവസ്ഥലത്ത് എത്തി പരിശോധിച്ചു. സംഭവത്തിൽ പൊലീസ് കേസ് എടുത്തിട്ടുണ്ട്. എന്നാൽ പ്രതിയെ ഇതുവരെ കണ്ടെത്തിയിട്ടില്ല.
