ബെംഗളൂരു: കൊലപാതക കേസിൽ അറസ്റ്റിലായ കന്നട നടൻ ദർശൻ തൊഗുദീപയുടെ മാനേജറെ മരിച്ച നിലയിൽ കണ്ടെത്തി. മാനേജർ ശ്രീധർ ആണ് മരിച്ചത്. നടന്റെ ഫാം ഹൗസിലാണ് മൃതദേഹം കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം.(Actor Darshan’s Manager Found Dead)

ആത്മഹത്യ കുറിപ്പ് പോലീസ് കണ്ടെത്തിയിട്ടുണ്ട്. ഒറ്റപ്പെടൽ കാരണം ആത്മഹത്യ ചെയ്യുന്നു എന്നാണ് കുറിപ്പിലെ ഉള്ളടക്കം. തന്റെ പ്രിയപ്പെട്ടവരെ ഈ കേസിൽനിന്ന് ഒഴിവാക്കണമെന്ന് ശ്രീധർ പറയുന്ന വിഡിയോ സന്ദേശവും പൊലീസിനു ലഭിച്ചു. ശ്രീധർ മരിച്ചതോടെ, ദർശൻ ഉൾപ്പെട്ട കൊലപാതക കേസുമായി സംഭവത്തിന് ബന്ധമുണ്ടോ എന്ന തരത്തിൽ അഭ്യൂഹങ്ങൾ ഉയർന്നിട്ടുണ്ട്.

സുഹൃത്തും നടിയുമായ പവിത്ര ഗൗഡയുടെ സമൂഹമാധ്യമ അക്കൗണ്ടുകളിൽ പോസ്റ്റിട്ടും നേരിട്ട് അശ്ലീല സന്ദേശങ്ങളയച്ചും അപമാനിച്ച ചിത്രദുർഗ സ്വദേശിയും ഫാർമസി ജീവനക്കാരനുമായ രേണുകസ്വാമിയെന്ന ചെറുപ്പക്കാരനെ കൊലപ്പെടുത്തിയ കേസിൽ ദർശൻ അറസ്റ്റിലായിരുന്നു. ദർശന്റെ കടുത്ത ആരാധകനായ ഇയാൾ പവിത്രയുമായുള്ള ബന്ധത്തെ രൂക്ഷമായി എതിർത്തിരുന്നു. സംഭവത്തിൽ ബന്ധമുണ്ടെന്നു കണ്ടെത്തിയതിനെ തുടർന്ന് പവിത്രയെയും അറസ്റ്റു ചെയ്തിരുന്നു.

Read Also: വെറും പത്തുവരിയിൽ ‘ആടുജീവിതം’ കഥയെഴുതി കൊച്ചു മിടുക്കി; ‘ദാ, ഇത്രേ ഉള്ളു’ എന്ന് ബെന്യാമിൻ; വൈറലായി നജീബിന്റെ ജീവിതത്തിൻെറ കുട്ടി വേർഷൻ

Read Also: മൂന്നാം ലോകമഹായുദ്ധം ആരംഭിക്കാൻ ഇനി ദിവസങ്ങൾ മാത്രം !: തീയതി ഉൾപ്പെടെ പ്രവചനവുമായി ഇന്ത്യൻ ജോതിഷി

Read Also: ’20 വർഷമായി ജോലി ചെയ്യിക്കുന്നില്ല, കൃത്യമായി ശമ്പളവും തരുന്നു’; കമ്പനിക്കെതിരെ പരാതി നൽകി യുവതി !