അടുത്ത വർഷം നടക്കാനിരിക്കുന്ന തമിഴ്നാട് നിയമസഭ തെരഞ്ഞെടുപ്പിൽ നടൻ വിജയ് മുഖ്യമന്ത്രി സ്ഥാനാർഥിയാകും എന്ന് വ്യക്തമാക്കി ടി.വി.കെ. വിജയ് യുടെ നേതൃത്വം അംഗീകരിക്കുന്നവരുമായി മാത്രമേ ടി വി കെ സഖ്യത്തിനുള്ളു.
2026 ൽ ടി വി കെ ഉൾപ്പെട്ട സഖ്യത്തിന്റെ മുഖ്യമന്ത്രി സ്ഥാനാർഥി വിജയ് ആയിരിക്കുമെന്നും ഇത് അംഗീകരിക്കുന്നവരുമായി മാത്രമാകും സഖ്യ ചർച്ചയെന്നുമാണ് നേതാക്കൾ പറയുന്നത്.
2026 ലെ തിരഞ്ഞെടുപ്പിൽ എം കെ സ്റ്റാലിന്റെ ഡി എം കെയെ നേരിടാൻ അണ്ണാ ഡി എം കെ – ടി വി കെ സഖ്യത്തിന് സാധ്യത എന്ന പ്രചാരണം പുറത്തുവന്നിരുന്നു.
ഇതിനിടെ 3 പതിറ്റാണ്ടോളം സംസ്ഥാനം ഭരിച്ച അണ്ണാഡിഎംകെയുടെ മുന്നിൽ നടൻ വിജയ്യുടെ രാഷ്ട്രീയ പാർട്ടിയായ തമിഴക വെട്രി കഴകം വച്ച നിബന്ധനകൾ പാളിയതിനെ തുടർന്നാണ് അണ്ണാ ഡിഎംകെ വീണ്ടും എൻഡിഎ പാളയത്തിലെത്തിയത് എന്ന റിപ്പോർട്ടും പുറത്തുവന്നു.
കഴിഞ്ഞവർഷം നടന്ന ചർച്ചയ്ക്കിടെ, വിജയ് മുന്നോട്ടുവച്ച പല നിബന്ധനകളും അംഗീകരിക്കാൻ അണ്ണാഡിഎംകെ തയാറായിരുന്നില്ലെന്നാണു സൂചന. ഇതോടെയാണ് സ്വന്തം പാർട്ടിയിൽ ഒറ്റയ്ക്ക് നിന്ന് മത്സരിക്കാൻ വിജയ് തയ്യാടെടുക്കുന്നത് എന്നാണു സൂചന.
