വൈറ്റ് ഹൗസിന് സമീപത്ത് ഏറ്റുമുട്ടല്. ഞായറാഴ്ച രാവിലെയാണ് സംഭവം. ഒരു യുവാവും യുഎസ് സീക്രട്ട് സര്വീസ് ഉദ്യോഗസ്ഥരുമായിട്ടാണ് ഏറ്റുമുട്ടൽ ഉണ്ടായത്. ഏറ്റുമുട്ടലിൽ യുവാവിന് വെടിയേറ്റു.
ആത്മഹത്യാ പ്രവണതയുള്ള ഒരു യുവാവ് വൈറ്റ് ഹൗസിന് സമീപത്ത് ഉണ്ടെന്ന രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് ആയുധവുമായി യുവാവിനെ കണ്ടെത്തിയത്.
വൈറ്റ് ഹൗസിന്റെ പടിഞ്ഞാറ് വശത്തുള്ള ഐസന്ഹോര് എക്സിക്യൂട്ടീവ് ഓഫീസിന് അടുത്തായാണ് ഏറ്റുമുട്ടൽ നടന്നത്.
വാഹനം നിർത്തിയിട്ടിരിക്കുന്നത് ശ്രദ്ധയിൽപ്പെട്ട സീക്രട്ട് സര്വീസ് ഉദ്യോഗസ്ഥർ അടുത്തേക്ക് ചെന്നപ്പോൾ ഇയാൾ അവർക്കുനേരെ വെടിയുതിര്ക്കുകയായിരുന്നു.
ഏറ്റുമുട്ടലില് യുവാവിന് പരിക്കേറ്റു. ഇയാളെ ആശുപത്രിയില് പ്രവേശിപ്പിച്ചിരിക്കുകയാണ്.
