ചെന്നൈ: തമിഴ്നാട്ടിലെ നാമക്കലിൽ ബസും ലോറിയും കൂട്ടിയിടിച്ചുണ്ടായ അപകടത്തിൽ മൂന്ന് പേർക്ക് ദാരുണാന്ത്യം. ഇന്നലെ രാത്രിയാണ് അപകടം നടന്നത്.
നാമക്കൽ ജില്ലയിലെ മേട്ടലയ്ക്ക് സമീപമാണ് അപകടമുണ്ടായത്. മരിച്ചവരിൽ രണ്ട് പേരെ തിരിച്ചറിഞിട്ടുണ്ട്. രവി, അലമേലു എന്നിവരാണ് മരിച്ചത്. മരിച്ച മൂന്നാമത്തെയാളെ ഇതുവരെ തിരിച്ചറിഞ്ഞിട്ടില്ല.
പരിക്കേറ്റ 17 ബസ് യാത്രക്കാരെയാണ് ആശുപത്രിയിൽ പ്രവേശിപ്പിച്ചത്. രാസിപുരത്തേയ്ക്ക് പോയ സ്വകാര്യ ബസാണ് അപകടത്തിൽപ്പെട്ടത്. നാമഗിരിപേട്ടൈ പോലീസ് കേസെടുത്ത് അന്വേഷണം തുടങ്ങി.
