തമിഴ്നാട്ടിൽ പടക്കനിർമ്മാണ ശാലയിൽ വൻ സ്ഫോടനം: 4 പേർ വെന്തുമരിച്ചു: നിരവധിപ്പേർക്ക് പരിക്ക്

തമിഴ്നാട് വിരുദുനഗറിൽ പടക്കനിർമാണ ശാലയിൽ വൻ സ്ഫോടനം. ഇന്ന് രാവിലെയോടെയാണു സാത്തൂരിലെ പടക്കനിർമാണ ശാലയിൽ സ്ഫോടനമുണ്ടായത്. വൻ സ്ഫോടനത്തിൽ 2 നിർമാണ യൂണിറ്റുകൾ പൂർണമായും തകർന്നു. സംഭവത്തിൽ 4 പേർ മരിച്ചു.( 4 dead in balst in firework factory in tamilnadu).

പാണ്ടുവർപ്പെട്ടി ​ഗ്രാമത്തിലെ ഗുരു സ്റ്റാർ ഫയർവർക്‌സ് എന്ന കമ്പനിയിലായിരുന്നു അപകടം ഉണ്ടായത്.

മരിച്ചവരിൽ ഒരാളെ തിരിച്ചറിഞ്ഞെന്നു സാത്തൂർ പൊലീസ് അറിയിച്ചു. അച്ചംകുളം സ്വദേശി രാജ്കുമാറിന്റെ (45) മൃതദേഹമാണു തിരിച്ചറിഞ്ഞത്. രക്ഷാപ്രവർത്തനം പുരോഗമിക്കുകയാണ്.

പരുക്കേറ്റവരെ വിരുദുനഗർ മെഡിക്കൽ കോളജ് ആശുപത്രിയിലേക്കു മാറ്റി. സ്ഫോടനം കാരണം അറിവായി വരുന്നു.