കൂട്ടുകാരോടൊപ്പം എടുത്ത ടിക്കറ്റിന് ലക്ഷങ്ങളുടെ സമ്മാനം! ബിഗ് ടിക്കറ്റിൽ തിളങ്ങി മലയാളി ജവാദ് നസീർ
അബുദാബി: മേയ് മാസത്തിലെ ബിഗ് ടിക്കറ്റിന്റെ ആദ്യ വീക്കിലി ഇ-ഡ്രോ ഫലം പ്രഖ്യാപിച്ചു. മലയാളി ഉൾപ്പെടെ നാല് പേർ ചേർന്നാണ് ഒരു ലക്ഷം ദിർഹം സമ്മാനമായി നേടിയത്. ഇന്ത്യ, മലേഷ്യ, ബംഗ്ലാദേശ് എന്നിവിടങ്ങളിൽ നിന്നുള്ളവരാണ് വിജയികൾ.
ഖത്തറിൽ പൊതുഗതാഗത വകുപ്പിൽ ജോലി ചെയ്യുന്ന മലയാളിയായ ജവാദ് നസീറിനാണ് സമ്മാനം ലഭിച്ചത്. നാല് വർഷമായി ഖത്തറിൽ ജോലി ചെയ്യുന്ന ജവാദ്, 20 സുഹൃത്തുക്കളുമായി ചേർന്നാണ് ടിക്കറ്റെടുത്തത്. ഈ വിജയം വലിയ സന്തോഷം നൽകുന്നതാണെന്നും ഭാഗ്യമായി കാണുന്നുവെന്നും അദ്ദേഹം പ്രതികരിച്ചു.
ദുബായിൽ താമസിക്കുന്ന വിനയ് പുതുമനയാണ് സമ്മാനം നേടിയ മറ്റൊരു ഇന്ത്യക്കാരൻ. 037772 എന്ന നമ്പറിലുള്ള ടിക്കറ്റിനാണ് സമ്മാനം ലഭിച്ചത്. വിനയ് ഒറ്റയ്ക്കാണ് ടിക്കറ്റ് എടുത്തത്. നാല് വിജയികൾക്കും 25,000 ദിർഹം വീതമാണ് ലഭിക്കുക.
മലേഷ്യയിൽ നിന്നുള്ള കെ. രവിചന്ദ്രൻ വി. കാശിനാഥനും ബംഗ്ലാദേശിൽ നിന്നുള്ള സാഗർ ശംസുൽ ഇസ്ലാമും മറ്റ് വിജയികളാണ്. ഇരുവരും സുഹൃത്തുക്കളോടൊപ്പം ചേർന്നാണ് ടിക്കറ്റ് എടുത്തത്.
ജൂൺ മൂന്നിനാണ് ബിഗ് ടിക്കറ്റിന്റെ ലൈവ് ഡ്രോ നടക്കുക. മേയ് 24 വരെ നടക്കുന്ന ‘ബിഗ് വിൻ’ മത്സരത്തിൽ പങ്കെടുക്കാൻ രണ്ട് ടിക്കറ്റുകൾ ഒരുമിച്ച് വാങ്ങണം. ജൂൺ ഒന്നിന് തിരഞ്ഞെടുക്കപ്പെടുന്ന നാല് വിജയികൾക്ക് ലൈവ് ഡ്രോയിൽ പങ്കെടുക്കാനും 1.5 ലക്ഷം ദിർഹം വരെ നേടാനും അവസരമുണ്ടാകും.
English Summary
A Malayali expatriate was among four winners in the first weekly e-draw of Abu Dhabi Big Ticket for May. Jawad Naseer, working in Qatar, shared the AED 100,000 prize with three others from India, Malaysia, and Bangladesh. The winners will also get a chance to participate in the upcoming live draw for bigger prizes.
