തിരുവനന്തപുരം: ലോക്സഭ തെരഞ്ഞെടുപ്പിന് പോളിങ് ബൂത്തുകൾ ഉണരാൻ ഇനി മണിക്കൂറുകൾ മാത്രമാണ് ബാക്കി. ഏപ്രില് 26നാണ് ലോക്സഭയിലേക്ക് കേരളം ജനവിധി തേടുന്നത്. രാജ്യത്തെ ഓരോ പൗരന്മാരും അവരുടെ വിലയേറിയ വോട്ട് ഇഷ്ടപ്പെട്ട സ്ഥാനാർത്ഥിക്കായി നൽകാൻ കാത്തിരിക്കുകയാണ്.
എന്നാൽ വോട്ട് ചെയ്യുന്നതിനായി വോട്ടർ ഐഡി കാര്ഡ് കാർഡ് തന്നെ വേണമെന്ന് കരുതിയിരിക്കുന്നവരാണോ നിങ്ങൾ?. എന്നാൽ വോട്ട് ചെയ്യാന് വോട്ടര് ഐഡി കാര്ഡ് (എപിക്) വേണമെന്നില്ല. വോട്ടര് ഐഡി കാര്ഡ് കൈവശമില്ലാത്തവര്ക്ക് തിരഞ്ഞെടുപ്പ് കമ്മീഷന് നിര്ദേശിച്ച ഫോട്ടോ പതിച്ച മറ്റ് 12 അംഗീകൃത തിരിച്ചറിയല് രേഖകള് ഉപയോഗിച്ച് വോട്ട് രേഖപ്പെടുത്താം. അവ എന്തൊക്കെയെന്ന് നോക്കാം
അംഗീകൃത തിരിച്ചറിയല് രേഖകള് ഇവയാണ്
1. ആധാര് കാര്ഡ്
2. എംഎന്ആര്ഇജിഎ തൊഴില് കാര്ഡ് (ദേശീയ തൊഴിലുറപ്പ് പദ്ധതി ജോബ് കാര്ഡ്)
3. ബാങ്ക്/പോസ്റ്റ് ഓഫീസ് നല്കുന്ന ഫോട്ടോ സഹിതമുള്ള പാസ്ബുക്കുകള്
4. തൊഴില് മന്ത്രാലയത്തിന്റെ ആരോഗ്യ ഇന്ഷുറന്സ് സ്മാര്ട്ട് കാര്ഡ്
5. ഡ്രൈവിംഗ് ലൈസന്സ്
6. പാന് കാര്ഡ്
7. ദേശീയ ജനസംഖ്യാ രജിസ്റ്ററിന് കീഴില് രജിസ്ട്രാര് ജനറല് ഓഫ് ഇന്ത്യ നല്കുന്ന സ്മാര്ട്ട് കാര്ഡ്
8. ഇന്ത്യന് പാസ്പോര്ട്ട്
9. ഫോട്ടോ സഹിതമുള്ള പെന്ഷന് രേഖ
10. കേന്ദ്ര, സംസ്ഥാന ജീവനക്കാര്, പൊതുമേഖല സ്ഥാപനങ്ങള്, പബ്ലിക്ക് ലിമിറ്റഡ് കമ്പനി എന്നിവയിലെ ജീവനക്കാര് എന്നിവര്ക്ക് നല്കുന്ന ഫോട്ടോ പതിച്ച ഐഡികാര്ഡ്
11. പാര്ലമെന്റ്റ് അംഗങ്ങള്/ നിയമസഭകളിലെ അംഗങ്ങള്/ ലെജിസ്ലേറ്റീവ് കൗണ്സില് അംഗങ്ങള് എന്നിവര്ക്ക് നല്കുന്ന ഔദ്യോഗിക തിരിച്ചറിയല് കാര്ഡുകള്
12. ഭിന്നശേഷി തിരിച്ചറിയല് കാര്ഡ് (യുഡി ഐ ഡി കാര്ഡ്)
