‘മെലഡി ചോക്ലേറ്റ് ഇത്ര ചോക്ലേറ്റിയായിരിക്കുന്നത് എന്തുകൊണ്ട്?’ മെലോണിക്ക് ‘മെലഡി’ മിഠായി പാക്കറ്റ് സമ്മാനിച്ച് മോദി! റോമിലെ കൂടിക്കാഴ്ചയ്ക്ക് പിന്നാലെ ഇന്റർനെറ്റിൽ തീ പടർത്തി ‘മെലഡി’ വീഡിയോ
റോം: ഇറ്റാലിയൻ പ്രധാനമന്ത്രി Giorgia Meloni ജോർജിയ മെലോണിക്ക് പ്രധാനമന്ത്രി Narendra Modi നരേന്ദ്രമോദി നൽകിയ പ്രത്യേക സമ്മാനമാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്. ‘മെലഡി’ മിഠായിയുടെ ഒരു പാക്കറ്റാണ് മോദി മെലോണിക്ക് സമ്മാനമായി നൽകിയത്.
മോദിയുടെയും മെലോണിയുടെയും സൗഹൃദം സമൂഹമാധ്യമങ്ങളിൽ ഏറെ ശ്രദ്ധ നേടിയിരുന്നു. ഇരുവരുടെയും പേരുകൾ ചേർത്ത് ‘മെലഡി’ എന്ന പേരിലാണ് സോഷ്യൽ മീഡിയയിൽ വിശേഷിപ്പിക്കപ്പെടുന്നത്. അതുമായി ബന്ധപ്പെട്ട തമാശരീതിയിലുള്ള സമ്മാനമായാണ് ഇതിനെ വിലയിരുത്തുന്നത്.
ഇരുവരും ഒരേ കാറിൽ സഞ്ചരിച്ച് ചരിത്രപ്രസിദ്ധമായ Colosseum കൊളോസിയം സന്ദർശിച്ച ചിത്രങ്ങളും പുറത്തുവന്നിട്ടുണ്ട്.
മോദിയുമായുള്ള വാർത്താസമ്മേളനത്തിനിടെ “കഠിനാധ്വാനമാണ് വിജയത്തിലേക്കുള്ള താക്കോൽ” എന്ന് മെലോണി ഹിന്ദിയിൽ പറഞ്ഞതും ശ്രദ്ധ നേടിയിരുന്നു.
സംഭവം വൈറലായതിന് പിന്നാലെ ഇന്ത്യയിലെ അതിവേഗ ഓൺലൈൻ വ്യാപാര പ്ലാറ്റ്ഫോമുകളിൽ ‘മെലഡി’ മിഠായിയുടെ വിൽപ്പന വർധിച്ചതായാണ് റിപ്പോർട്ടുകൾ. മുംബൈ ആസ്ഥാനമായ Parle Products പാർലേ പ്രൊഡക്ട്സാണ് ഈ മിഠായിയുടെ നിർമ്മാതാക്കൾ.
അതേസമയം, ഓഹരി വിപണിയിൽ നേട്ടമുണ്ടായത് ‘പാർലേ ഇൻഡസ്ട്രീസ്’ എന്ന മറ്റൊരു സ്ഥാപനത്തിനാണ്. അടിസ്ഥാന സൗകര്യ വികസനവും റിയൽ എസ്റ്റേറ്റ് മേഖലയിലും പ്രവർത്തിക്കുന്ന ഈ കമ്പനിക്ക് ‘മെലഡി’ മിഠായിയുമായി ബന്ധമില്ലെന്നതും ശ്രദ്ധേയമാണ്.
English Summary
Prime Minister Narendra Modi gifted Italian Prime Minister Giorgia Meloni a packet of “Melody” candy during his visit to Rome, sparking viral reactions online. The gesture referenced the popular social media nickname “Melodi,” combining both leaders’ names.
