ഗുരുവായൂരിൽ അത്യാധുനിക മൃഗാശുപത്രി; വൻതാര മാതൃകയിൽ പദ്ധതി, അനന്ത് അംബാനിയുടെ സാമ്പത്തിക പിന്തുണ
തൃശൂർ: ഗുരുവായൂരിൽ അത്യാധുനിക സൗകര്യങ്ങളോടുകൂടിയ മൃഗാശുപത്രി നിർമ്മിക്കാൻ നീക്കങ്ങൾ വേഗം പിടിക്കുന്നു. അനന്ത് അംബാനിയുടെ പിന്തുണയോടെയാണ് പദ്ധതി മുന്നോട്ട് പോകുന്നത്.
ഗുജറാത്തിലെ ജാംനഗറിൽ റിലയൻസ് ഇൻഡസ്ട്രീസിന്റെ കീഴിൽ പ്രവർത്തിക്കുന്ന വൻതാര വന്യജീവി സംരക്ഷണ കേന്ദ്രത്തിലെ അത്യാധുനിക മൃഗാശുപത്രിയെ മാതൃകയാക്കി ഗുരുവായൂരിലും സമാന സംവിധാനം ഒരുക്കാനാണ് ലക്ഷ്യം.
ഗുരുവായൂർ ദേവസ്വത്തിന്റെ പുന്നത്തൂർ കോട്ടയിലെ ആനകളുടെ ആരോഗ്യസംരക്ഷണം മുൻനിർത്തിയാണ് സ്പെഷ്യാലിറ്റി മൃഗാശുപത്രി പദ്ധതിയിടുന്നത്.
ജാംനഗർ സന്ദർശനം; സമഗ്ര വികസനത്തിന് പിന്തുണ
പദ്ധതിയുടെ ഭാഗമായി ദേവസ്വം ഭാരവാഹികളെ ജാംനഗറിലേക്ക് ക്ഷണിച്ചിരിക്കുകയാണ് അനന്ത് അംബാനി.
അവിടെ നിലവിലുള്ള സംവിധാനങ്ങൾ നേരിട്ട് വിലയിരുത്തിയ ശേഷം വിശദമായ രൂപരേഖ തയ്യാറാക്കും.
മൃഗാശുപത്രിയോടൊപ്പം ദേവസ്വത്തിന്റെ ഗോശാലകളുടെ വികസനത്തിനും സഹായം നൽകാമെന്ന് അംബാനി അറിയിച്ചിട്ടുണ്ട്.
ഈ പദ്ധതി നടപ്പായാൽ ഗുരുവായൂരിനും സംസ്ഥാനത്തെ മൃഗസംരക്ഷണ മേഖലയ്ക്കും വലിയ മുന്നേറ്റമാകുമെന്ന് വിലയിരുത്തുന്നു.
English Summary:
Plans are underway to build a modern animal hospital in Guruvayur with support from Anant Ambani, inspired by Reliance’s advanced facility in Jamnagar. The proposed hospital aims to provide specialized care for temple elephants at Punnathur Kotta, along with improved facilities for other animals under the Devaswom. Officials are preparing a detailed project plan and are expected to visit Jamnagar to study the existing model, as the initiative moves forward with technical and financial backing.
