കേരള ബ്ലാസ്റ്റേഴ്സിന് പുതിയ ഹെഡ് കോച്ച്; ആഷ്ലി വെസ്റ്റ്വുഡ് ചുമതലയേൽക്കും
കേരള ബ്ലാസ്റ്റേഴ്സിന്റെ ഹെഡ് കോച്ചായി ആഷ്ലി വെസ്റ്റ്വുഡ് ചുമതലയേൽക്കും. ഇന്ത്യൻ ഫുട്ബോളിൽ സമ്പന്ന അനുഭവമുള്ള പരിശീലകനാണ് ആഷ്ലി.
ബെംഗളൂരു എഫ്സിയെ രണ്ട് തവണ ഐ-ലീഗ് കിരീടത്തിലേക്കും ഫെഡറേഷൻ കപ്പിലേക്കും നയിച്ച അദ്ദേഹം, എടികെയെയും പഞ്ചാബ് എഫ്സിയെയും പരിശീലിപ്പിച്ചിട്ടുണ്ട്. ഏറ്റവും ഒടുവിൽ ഹോങ്കോങ് നാഷണൽ ഫുട്ബോൾ ടീമിന്റെ പരിശീലകനായിരുന്നു.
ഉടൻ ചുമതലയേൽക്കും
വരാനിരിക്കുന്ന മത്സരങ്ങൾ മുന്നിൽ കണ്ട് വെസ്റ്റ്വുഡ് ഉടൻ ടീമിനൊപ്പം പ്രവർത്തനം ആരംഭിക്കും. കൊച്ചിയിലെത്തിയ അദ്ദേഹം പരിശീലനം പുനരാരംഭിക്കുന്നതോടെ സ്ക്വാഡിന്റെ പൂർണ്ണ ചുമതല ഏറ്റെടുക്കും.
ജെഇഇ പരീക്ഷ: ഈസ്റ്റർ ദിനത്തിൽ എഴുതാൻ കഴിയാത്തവർക്ക് മറ്റൊരു അവസരം
ക്ലബ്ബിന്റെ പ്രതീക്ഷ
കേരള ബ്ലാസ്റ്റേഴ്സ് സിഇഒ അഭിക് ചാറ്റർജി പുതിയ പരിശീലകനെ സ്വാഗതം ചെയ്ത്, അദ്ദേഹത്തിന്റെ പരിചയസമ്പത്ത് ടീമിന് വലിയ ഗുണം ചെയ്യുമെന്ന് വ്യക്തമാക്കി.
സീസണിലെ ശേഷിക്കുന്ന മത്സരങ്ങളിൽ ടീമിന്റെ പ്രകടനത്തിൽ മാറ്റം പ്രതീക്ഷിക്കുന്നതായും അദ്ദേഹം പറഞ്ഞു.
‘ഉത്തരവാദിത്തം അറിയാം’
കേരള ബ്ലാസ്റ്റേഴ്സ് വലിയ ആരാധക പിന്തുണയുള്ള ക്ലബ്ബാണെന്ന് പറഞ്ഞ വെസ്റ്റ്വുഡ്, ഈ സ്ഥാനത്തിന്റെ ഉത്തരവാദിത്തം മനസ്സിലാക്കി പ്രവർത്തിക്കുമെന്ന് വ്യക്തമാക്കി.
ടീമിനെയും സ്റ്റാഫിനെയും അടുത്തറിയുകയും കളിക്കാരുമായി പ്രവർത്തനം തുടങ്ങുകയും ചെയ്യുന്നതാണ് ആദ്യ ലക്ഷ്യമെന്നും അദ്ദേഹം കൂട്ടിച്ചേർത്തു.
English Summary:
Kerala Blasters FC has appointed Ashley Westwood as their new head coach until the end of the current season. With extensive experience in Indian football, including success with Bengaluru FC, Westwood is expected to immediately take charge and guide the team in the remaining matches.
