ടിവി ചാനൽ റേറ്റിങ്ങിൽ വൻ മാറ്റം: കള്ളക്കളി തടയാൻ കേന്ദ്രത്തിന്റെ പുതിയ നിയമം

ന്യൂഡൽഹി: ടെലിവിഷൻ ചാനലുകൾക്കിടയിലെ റേറ്റിംഗ് യുദ്ധത്തിന് കടിഞ്ഞാണിടാൻ കേന്ദ്ര സർക്കാർ രംഗത്ത്.

ചാനലുകൾ വ്യൂവർഷിപ്പ് ഉയർത്തിക്കാട്ടാൻ ഉപയോഗിച്ചിരുന്ന കുറുക്കുവഴികൾ തടഞ്ഞുകൊണ്ട് കേന്ദ്ര വാർത്താ വിതരണ പ്രക്ഷേപണ മന്ത്രാലയം പുതിയ പരിഷ്‌കാരങ്ങൾ പ്രഖ്യാപിച്ചു.

ലാൻഡിംഗ് പേജുകളിലൂടെ നേടുന്ന വ്യൂവർഷിപ്പ് ഇനി മുതൽ ഔദ്യോഗിക റേറ്റിംഗിൽ കണക്കാക്കില്ല എന്നതാണ് ഏറ്റവും പ്രധാനപ്പെട്ട തീരുമാനം.

ലാൻഡിംഗ് പേജ് തട്ടിപ്പുകൾക്ക് വിട: റേറ്റിംഗ് കണക്കുകളിൽ നിന്ന് പുറത്താക്കി കേന്ദ്രത്തിന്റെ കടുത്ത നടപടി

ടിവി ഓൺ ചെയ്യുമ്പോൾ തന്നെ തനിയെ തെളിയുന്ന ചാനലുകളെയാണ് ‘ലാൻഡിംഗ് പേജ്’ എന്ന് വിളിക്കുന്നത്.

പല ചാനലുകളും കേബിൾ ഓപ്പറേറ്റർമാർക്ക് പണം നൽകി തങ്ങളുടെ ചാനൽ ലാൻഡിംഗ് പേജായി സെറ്റ് ചെയ്യാറുണ്ട്.

ഇതുവഴി പ്രേക്ഷകർ കാണാൻ ആഗ്രഹിക്കാതെ തന്നെ ചാനലിന്റെ വ്യൂവർഷിപ്പ് വർദ്ധിക്കുന്ന സാഹചര്യം ഉണ്ടായിരുന്നു.

എന്നാൽ ഇനി മുതൽ ലാൻഡിംഗ് പേജ് ഒരു ‘മാർക്കറ്റിംഗ് ഉപകരണം’ മാത്രമായിരിക്കും.

ഇത് റേറ്റിംഗിനെ ബാധിക്കില്ലെന്ന് ഉറപ്പുവരുത്തുന്നതോടെ ചാനലുകളുടെ യഥാർത്ഥ ജനപ്രീതി വെളിപ്പെടും.

വിശ്വാസ്യത ഉറപ്പാക്കാൻ വമ്പൻ മാറ്റം: 80,000 വീടുകളിൽ കൂടി പുതിയ മീറ്ററുകൾ സ്ഥാപിക്കാൻ നിർദ്ദേശം

നിലവിലെ സാമ്പിൾ ശേഖരണത്തിലെ അപാകതകൾ പരിഹരിക്കാൻ വിവരങ്ങൾ ശേഖരിക്കുന്ന വീടുകളുടെ എണ്ണം വർദ്ധിപ്പിക്കാൻ സർക്കാർ തീരുമാനിച്ചു.

ടിവി റേറ്റിംഗ് ഏജൻസികൾ അടുത്ത ആറുമാസത്തിനുള്ളിൽ രാജ്യത്തെ വിവിധ ഭാഗങ്ങളിലായി 80,000 അധിക വീടുകളിൽ കൂടി മീറ്ററുകൾ ഘടിപ്പിക്കണം.

കൊവിഡ് കാലത്തിന് ശേഷം വീണ്ടും മുഖ്യമന്ത്രിമാരുമായി യോഗം നടത്തി മോദി; പ്രതിസന്ധി നേരിടാൻ ഏകോപനം അനിവാര്യം

കൂടുതൽ വീടുകളെ ഉൾപ്പെടുത്തുന്നതിലൂടെ കൃത്യവും സുതാര്യവുമായ ഡാറ്റ ലഭ്യമാകുമെന്നും പ്രേക്ഷകരുടെ യഥാർത്ഥ താല്പര്യം പ്രതിഫലിക്കുമെന്നുമാണ് മന്ത്രാലയത്തിന്റെ വിലയിരുത്തൽ.

ഏജൻസികൾക്ക് പുതിയ നിബന്ധനകൾ: ആസ്തി മാനദണ്ഡങ്ങളിൽ ഇളവ് നൽകി കൂടുതൽ മത്സരം ഉറപ്പാക്കുന്നു

ടിവി റേറ്റിംഗ് ഏജൻസികൾക്കുള്ള ആസ്തി മാനദണ്ഡം 20 കോടി രൂപയിൽ നിന്ന് 5 കോടി രൂപയായി കേന്ദ്രം കുറച്ചു.

കൂടുതൽ സ്വതന്ത്ര ഏജൻസികൾക്ക് ഈ രംഗത്തേക്ക് കടന്നുവരാൻ ഇത് വഴിയൊരുക്കും. അതോടൊപ്പം തന്നെ,

റേറ്റിംഗ് നൽകുന്ന ഏജൻസികളുടെ ഡയറക്ടർ ബോർഡിലെ 50 ശതമാനം അംഗങ്ങളും പ്രക്ഷേപകരുമായോ പരസ്യദാതാക്കളുമായോ യാതൊരു ബന്ധവുമില്ലാത്തവരായിരിക്കണമെന്നും നിർദ്ദേശമുണ്ട്.

ഡാറ്റാ അളക്കുന്ന രീതി വെബ്സൈറ്റിൽ പരസ്യപ്പെടുത്തണമെന്നും പരാതി പരിഹാരത്തിന് നോഡൽ ഓഫീസറെ നിയമിക്കണമെന്നും പുതിയ നയം വ്യക്തമാക്കുന്നു.

English Summary:

The Indian Ministry of Information and Broadcasting has revamped TV rating guidelines to prevent manipulation. Significant changes include excluding landing page views from ratings, increasing the sample size by adding 80,000 households, and easing entry barriers for rating agencies by lowering net-worth requirements.