അറസ്റ്റും ചോദ്യം ചെയ്യലും ഇനി തെളിവോടെ:പൊലീസ് സ്റ്റേഷനുകളിൽ സിസിടിവി സ്ഥാപിക്കൽ പൂർത്തിയായി

ന്യൂഡൽഹി: പൊലീസ് സ്റ്റേഷനുകളിൽ നടക്കുന്ന പ്രവർത്തനങ്ങളെ പൂർണ്ണമായും സുതാര്യവും നിരീക്ഷണാത്മകവുമായി മാറ്റാനുള്ള കേരള സർക്കാരിന്റെ നീക്കം സുപ്രീം കോടതിയിൽ ശ്രദ്ധേയമായി.

സംസ്ഥാനത്തിന്റെ 518 പൊലീസ് സ്റ്റേഷനുകളിലെ സിസിടിവി ക്യാമറ സ്ഥാപിക്കൽ പ്രവർത്തനങ്ങൾ പൂർത്തിയായതായി സർക്കാർ സുപ്രീം കോടതിയെ അറിയിച്ചു.

ഓരോ സ്റ്റേഷനിലും 12 ഓഡിയോ-വിഡിയോ സിസിസിടിവികൾ

ഓരോ സ്റ്റേഷനിലും ദിവസം 24 മണിക്കൂറും പ്രവർത്തിക്കുന്ന 12 ഹൈ റെസലൂഷൻ ക്യാമറകളാണ് സ്ഥാപിച്ചിരിക്കുന്നത്.

സംസ്ഥാനത്ത് 520 സ്റ്റേഷനുകളിലാണ് ആദ്യഘട്ടത്തിൽ സിസിടിവി സ്ഥാപിക്കാൻ തീരുമാനിച്ചത്.

ഇതിൽ മാഞ്ഞൂർ, വൈത്തിരി എന്നീ രണ്ട് സ്റ്റേഷനുകൾ ഒഴികെയുള്ള എല്ലായിടങ്ങളിലും ക്യാമറ സ്ഥാപിക്കൽ പൂർത്തിയായതായി കോടതിയെ അറിയിച്ചു.

ത്രിതല നിയമ-ക്രമ നിയന്ത്രണത്തിൽ ഉൾപ്പെട്ട 483 സ്റ്റേഷനുകൾക്ക് പുറമെ, 13 റെയിൽവേ പൊലീസ് സ്റ്റേഷനുകളും, 10 തീരദേശ പൊലീസ് സ്റ്റേഷനുകളും, 14 വനിതാ പൊലീസ് സ്റ്റേഷനുകളും ഇതിനകം ക്യാമറ സംവിധാനത്തോടെ സജ്ജമായിട്ടുണ്ട്.

ലോക്കപ്പിൽ നിന്ന് ഇൻസ്പെക്ടർ മുറി വരെ നിരീക്ഷണം

ഇതോടൊപ്പം 20 സൈബർ പൊലീസ് സ്റ്റേഷനുകൾ ഉൾപ്പെടെ 28 സ്റ്റേഷനുകളിലെ പ്രവർത്തനങ്ങളും പുരോഗമിക്കുകയാണെന്നും സർക്കാർ വിശദീകരിച്ചു.

ഓരോ സ്റ്റേഷനിലും ഇൻസ്പെക്ടർ, സബ് ഇൻസ്പെക്ടർ മുറികൾ, ലോക്കപ്പ് മുമ്പിലുള്ള ഇടനാഴി, റിസപ്ഷൻ കൗണ്ടർ, പോലീസ് സ്റ്റേഷന്റെ പ്രാഥമിക പ്രവേശന കവാടം, സ്റ്റേഷന്റെ പിൻഭാഗം തുടങ്ങിയ പ്രധാന ഇടങ്ങൾ ക്യാമറ നിരീക്ഷണത്തിനുള്‍പ്പെടും.

പാലക്കാട് പ്രസവത്തിന് പിന്നാലെ കുഞ്ഞ് മരിച്ചു; ചികിത്സാ പിഴവെന്ന് ആരോപണവുമായി കുഞ്ഞിന്റെ പിതാവ്

നിരീക്ഷണ സംവിധാനത്തിന്റെ പ്രത്യേകതകൾ

ശബ്ദത്തോടൊപ്പം ദൃശ്യങ്ങൾ റെക്കോർഡ് ചെയ്യും.റെക്കോർഡ് ചെയ്ത ദൃശ്യങ്ങളിൽ ക്രമക്കേട് നടത്തിയാലും അത് കണ്ടെത്താനാവും.

ഓരോ സ്റ്റേഷനും 8 TB ശേഷിയുള്ള 16 ഹാർഡ് ഡിസ്കുകൾ അനുവദിച്ചിട്ടുണ്ട്.ഏകദേശം 18 മാസം വരെ ദൃശ്യങ്ങൾ സുരക്ഷിതമായി സൂക്ഷിക്കാനാകും.

പോലീസ് സ്റ്റേഷനുകളിൽ നടക്കുന്ന ഏത് നടപടികളും ഇനി തെളിവുകളുടെ ശക്തമായ പിന്തുണയോടെയാകും.

ചോദ്യം ചെയ്യലുകൾ, അറസ്റ്റ് നടപടികൾ, പരാതിക്കാർക്കും പ്രതികൾക്കും ലഭിക്കുന്ന ഇടപെടലുകൾ എന്നിവയുടെ സുതാര്യത ഉറപ്പാക്കുന്നതിനും മനുഷ്യാവകാശ ലംഘനങ്ങളെ തടയുന്നതിനും ഈ സംവിധാനം സഹായകമാകുമെന്ന് സർക്കാർ സുപ്രീം കോടതിയിൽ പ്രതിപാദിച്ചു.

English Summary

Kerala informed the Supreme Court that CCTV installation has been completed in 518 police stations. Each station now has 12 night-vision cameras covering key areas, including lockup corridors, visitor areas, the inspector’s room, and entrances. Audio will also be recorded. With 16 hard disks of 8TB capacity, each station can store data for 18 months, ensuring transparency and preventing evidence tampering.