രതിചിത്ര താരം കൈലി പേജ് അന്തരിച്ചു

രതിചിത്ര താരം കൈലി പേജ് അന്തരിച്ചു

ലൊസാഞ്ചലസ്∙ പോൺ ഇൻഡസ്ട്രിയെപറ്റിയുള്ള നെറ്റ്ഫ്ലിക്സ് പരമ്പരയിൽ അഭിനയിച്ച രതിചിത്ര താരം കൈലി പേജ് (28) അന്തരിച്ചു. ലൊസാഞ്ചലസ് കൗണ്ടി മെഡിക്കൽ എക്സാമിനറുടെ ഓഫിസ് ഇവരുടെ മരണം സ്ഥിരീകരിച്ചു.

ഓക്‌ലഹോമയിലെ തുൾസ സ്വദേശിനിയാണ് കൈലി പൈലന്റ് എന്ന കൈലി പേജ്. കൈലി പേജ് പേരിൽ രതിചിത്രങ്ങളിൽ അഭിനയിച്ചിരുന്നത്. മരണകാരണം സംബന്ധിച്ച് ഇതുവരെ വ്യക്തത വന്നിട്ടില്ലെന്നാണ് റിപ്പോർട്ടുകൾ.

കഴിഞ്ഞ ജൂൺ 25നാണ് കൈലി പേജിനെ വീട്ടിൽ മരിച്ച നിലയിൽ കണ്ടെത്തിയത്.

2016ലാണ് കൈലി പേജ് രതിചിത്ര നടിയായി അഭിനയം തുടങ്ങിയത്. ഇത്തരത്തിൽ 200ൽ അധികം സിനിമകളിൽ അഭിനയിച്ചിട്ടുണ്ട്.

2017ൽ അഡൾട്ട് എന്റർടൈൻമെന്റ് ഇൻഡസ്ട്രിയിൽ പ്രവർത്തിക്കുന്ന സ്ത്രീകളുടെയും പുരുഷന്മാരുടെയും ജീവിതം പറയുന്ന ‘ഹോട്ട് ഗേൾസ് വാണ്ടഡ്: ടേൺഡ് ഓൺ’ എന്ന നെറ്റ്ഫ്ലിക്സ് പരമ്പരയിലും കൈലി അഭിനയിച്ചിട്ടുണ്ട്.

പരമ്പരയിൽ ലഹരിവസ്തുക്കളുടെ ഉപയോഗത്തെക്കുറിച്ചുള്ള പോരാട്ടങ്ങളെക്കുറിച്ചും കൈലി തുറന്നു സംസാരിക്കുന്നുണ്ട്.

ഓക്‌ലഹോമയിലേക്ക് കൈലിയുടെ മൃതദേഹം കൊണ്ടുപോകുന്നതിനും സംസ്കാര ചെലവുകൾക്കുമായി കുടുംബം ഗോഫണ്ട്മി പേജ് തുടങ്ങിയിട്ടുണ്ട്. കൈലിയുടെ ടാലന്റ് ഏജൻസിയായ ഹുസി മോഡൽസ് ഉൾപ്പെടെയുള്ളവർ അനുശോചനം അറിയിച്ചു.

സോഷ്യൽ മീഡിയയിൽ ചർച്ചയായി നീലച്ചിത്രനടിയുടെ മതം മാറ്റം

പ്രശസ്ത നീലച്ചിത്രനടി റായ് ലൽ ബ്ലാക്ക് ഇസ്ലാംമതം സ്വീകരിച്ചു. ജാപ്പനീസ് പോൺ താരമായ യുവതിയുടെ യഥാർത്ഥ പേര് കായി അസാകുറ എന്നാണ്.

താൻ ഇസ്ലാംമതം സ്വീകരിച്ചെന്നും പോൺ ഇൻഡസ്ട്രിയിൽ നിന്നും പിന്മാറുകയാണെന്നും താരം തന്നെയാണ് പറഞ്ഞത്.

മലേഷ്യൻ തലസ്ഥാനമായ ക്വാലാലമ്പൂരിലെ പള്ളിയിൽ ഇഫ്താറിൽ പങ്കെടുക്കുന്ന വിഡിയോ റായ് ലിൽ ബ്ലാക്ക് സോഷ്യൽ മീഡിയയിൽ പങ്കുവച്ചു. പർദ ധരിച്ചാണ് ഇവർ ഇഫ്താറിൽ പങ്കെടുത്തത്.

“നമുക്കെല്ലാവർക്കും അല്ലാഹുവിനോട് അടുത്തിരിക്കുന്നതും പ്രിയപ്പെട്ടവരോടും കുടുംബത്തോടും സഹോദരങ്ങളോടും അടുത്തിരിക്കുന്നതുമായ ഒരു മനോഹരമായ മാസം ഉണ്ടാകുമെന്ന് ഞാൻ പ്രതീക്ഷിക്കുന്നു.

ഞാൻ വളരെ ആവേശത്തിലാണ്. ഈ മാസം കടന്നുപോകാൻ ദൈവവും നിങ്ങളും എനിക്ക് ശക്തി നൽകുമെന്ന് ഞാൻ പ്രതീക്ഷിക്കുന്നു. റമദാൻ മുബാറക്,” – ഇങ്ങനെയാണ് ഇവർ സോഷ്യൽ മീഡിയയിൽ കുറിച്ചത്

ഇസ്ലാമിനെക്കുറിച്ച് നടത്തിയ അന്വേഷണങ്ങൾ ടിക് ടോക് വീഡിയോ പരമ്പരയിലൂടെ യുവതി പങ്കുവെച്ചിരുന്നു. ഈ വർഷം റംസാൻ നോമ്പനുഷ്ഠിക്കുമെന്നും മാർച്ച് രണ്ടിന് അവർ സോഷ്യൽ മീഡിയയിലൂടെ പറഞ്ഞിരുന്നു.

റംസാന് ഒരു മാസം മുമ്പ് സിംഗപ്പൂരിലെ മറീന ബേ സാൻഡ്സിൽ ആരാധകരുടെ സംഗമം റായ് സംഘടിപ്പിച്ചിരുന്നു. ചടങ്ങിൽ പ്രാർഥനക്കുള്ള മാറ്റുകളും യാത്ര ചെയ്യുമ്പോൾ ഉപയോഗിക്കുന്നതിനുള്ള പ്രെയർ കിറ്റുകളും റായ് ആരാധകർക്ക് സമ്മാനമായി നൽകിയിരുന്നു.

വിവിധ പള്ളികൾ സന്ദർശിക്കുന്ന ഫോട്ടോകളും വീഡിയോകളും റംസാന് മുമ്പ് റായ് സോഷ്യൽ മീഡിയയിൽ പങ്കുവെക്കുകയും ചെയ്തു.

താൻ അഭിനയിച്ച പോൺ വീഡിയോകളെല്ലാം തന്റെ സോഷ്യൽ മീഡിയ പേജുകളിൽ നിന്ന് റായ് നീക്കം ചെയ്തിട്ടുണ്ട്.

ഏതെങ്കിലും വീഡിയോകൾ ഇനി ഉണ്ടെങ്കിൽ അത് താൻ ഇസ്ലാംമതം സ്വീകരിക്കുന്നതിന്റെ വർഷങ്ങൾക്ക് മുമ്പ് അഭിനയിച്ചതാണെന്നും അവർ പറഞ്ഞു”

ENGLISH SUMMARY:

Kaylee Page (28), an adult film actress who appeared in a Netflix series about the porn industry, has passed away. Her death has been confirmed by the Los Angeles County Medical Examiner’s Office. Originally from Tulsa, Oklahoma, she performed under the stage name Kaylee Page. Reports state that the exact cause of death is yet to be determined.