പാലക്കാട്: വഴക്കിനിടെ സ്ത്രീ കുത്തേറ്റ് മരിച്ചു. പാലക്കാട് ഉപ്പും പാടം സ്വദേശി ചന്ദ്രികയാണ് (53) ഭർത്താവ് രാജന്റെ കുത്തേറ്റ് മരിച്ചത്. രാജനെ ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു.(Wife stabbed to death; Husband seriously injured, incident in Palakkad)
പുലർച്ചെ അഞ്ചരയോടെ ആയിരുന്നു സംഭവം. വീടിനുള്ളിൽ വച്ച് പരസ്പരം വഴക്കിട്ടതിന് പിന്നാലെയാണ് രാജൻ ഭാര്യയെ കുത്തിയത്. വീടിനു മുകളിലുണ്ടായിരുന്ന മകൾ ശബ്ദം കേട്ട് താഴേക്ക് എത്തിയപ്പോഴാണ് രക്തത്തിൽ കുളിച്ച നിലയിൽ കിടക്കുന്ന അമ്മയേയും അച്ഛനേയും കണ്ടെത്തിയത്.
രാജൻ ഇതിനു മുൻപും ചന്ദ്രികയെ ഉപദ്രവിക്കാറുണ്ടായിരുന്നു എന്നാണ് വിവരം. ഇയാൾക്ക് മാനസിക പ്രശ്നങ്ങളുണ്ടെന്നും പ്രദേശവാസികൾ പറഞ്ഞു.
