വിമാനയാത്രയെ വെല്ലുന്ന സൗകര്യങ്ങളുമായി വന്ദേ ഭാരത്:ആദ്യ സർവീസ് ഈ റൂട്ടിൽ

ന്യൂഡൽഹി: ഇന്ത്യൻ റെയിൽവേയുടെ ചരിത്രത്തിൽ പുതിയ അധ്യായം കുറിച്ചുകൊണ്ട് വന്ദേ ഭാരത് സ്ലീപ്പർ ട്രെയിനുകൾ സർവീസ് ആരംഭിക്കാൻ തയ്യാറെടുക്കുന്നു.

പശ്ചിമ ബംഗാളിലെ കൊൽക്കത്തയിൽ നിന്നും അസമിലെ ഗുവാഹത്തിയിലേക്കാണ് രാജ്യത്തെ ആദ്യത്തെ സ്ലീപ്പർ പതിപ്പ് അനുവദിച്ചിരിക്കുന്നത്.

ദീർഘദൂര യാത്രക്കാർക്ക് അതിവേഗവും ആഡംബരവും ഒരുപോലെ ഉറപ്പുനൽകുന്ന ഈ ട്രെയിൻ പ്രധാനമന്ത്രി നരേന്ദ്ര മോദി ഉടൻ ഫ്ലാഗ് ഓഫ് ചെയ്യും

അതിവേഗത്തിൽ കുതിക്കുമ്പോഴും കുലുക്കമില്ലാത്ത യാത്ര; 180 കിലോമീറ്റർ വേഗതയിൽ റെക്കോർഡ് നേട്ടവുമായി വന്ദേ ഭാരത് സ്ലീപ്പർ

പുതിയ സ്ലീപ്പർ ട്രെയിനിന്റെ കരുത്ത് തെളിയിക്കുന്ന പരീക്ഷണ ഓട്ടം രാജസ്ഥാനിലെ കോട്ട-നാഗ്ദ സെക്ഷനിൽ വിജയകരമായി പൂർത്തിയാക്കി.

മണിക്കൂറിൽ 180 കിലോമീറ്ററിലധികം വേഗതയിൽ കുതിക്കുമ്പോഴും കോച്ചിനുള്ളിലെ ഗ്ലാസിൽ വെച്ച വെള്ളം ഒരിറ്റുപോലും പുറത്തേക്ക് തുളുമ്പുന്നില്ല എന്നതാണ് ഈ ട്രെയിനിന്റെ പ്രത്യേകത.

ആധുനിക സസ്പെൻഷൻ സംവിധാനം യാത്രക്കാർക്ക് വിമാനത്തിന് സമാനമായ സുഗമമായ യാത്രയാണ് വാഗ്ദാനം ചെയ്യുന്നത്.

ഇതിന്റെ വീഡിയോ റെയിൽവേ മന്ത്രി അശ്വിനി വൈഷ്ണവ് സോഷ്യൽ മീഡിയയിൽ പങ്കുവെച്ചിരുന്നു.

ഹൗറയിൽ നിന്ന് ഗുവാഹത്തിയിലേക്ക് ഇനി ആഡംബര രാത്രിയാത്ര; ദീർഘദൂര യാത്രക്കാർക്ക് ആശ്വാസമായി വന്ദേ ഭാരത്

1,000 കിലോമീറ്ററിൽ കൂടുതൽ ദൂരമുള്ള നഗരങ്ങളെ ബന്ധിപ്പിക്കുന്നതിനാണ് സ്ലീപ്പർ ട്രെയിനുകൾ രൂപകൽപ്പന ചെയ്തിരിക്കുന്നത്.

16 കോച്ചുകളിലായി അത്യാധുനിക സൗകര്യങ്ങളാണ് ഒരുക്കിയിരിക്കുന്നത്. മികച്ച കുഷ്യനുകളുള്ള ബെർത്തുകൾ, സെൻസറുകളാൽ പ്രവർത്തിക്കുന്ന ഓട്ടോമാറ്റിക് വാതിലുകൾ,

വായുസഞ്ചാരമുള്ള വിശാലമായ കോച്ചുകൾ എന്നിവ യാത്രയെ കൂടുതൽ ആസ്വാദ്യകരമാക്കും.

സുരക്ഷയ്ക്കായി ആധുനിക ഫയർ സേഫ്റ്റി സംവിധാനങ്ങളും സിസിടിവി നിരീക്ഷണവും ഇതിലുണ്ട്.

സ്പെഷ്യൽ പാസുള്ളവരെ മാത്രം കടത്തിവിട്ടു; പ്രതിഷേധവുമായി ഭക്തർ; പുതുവർഷ പുലരിയിൽ ഗുരുവായൂരിൽ നടന്നത്

വിമാന ടിക്കറ്റ് നിരക്കിന്റെ പകുതി ചിലവിൽ രാജകീയ യാത്ര; സാധാരണക്കാർക്കും ബിസിനസ് യാത്രക്കാർക്കും ഒരുപോലെ അനുയോജ്യം

വിമാനയാത്രയേക്കാൾ ചിലവ് കുറഞ്ഞതും എന്നാൽ അതേ സമയം സൗകര്യപ്രദവുമായ യാത്രയാണ് റെയിൽവേ ലക്ഷ്യമിടുന്നത്.

നിലവിൽ ഗുവാഹത്തി-ഹൗറ റൂട്ടിൽ വിമാന ടിക്കറ്റിന് 6,000 രൂപയ്ക്ക് മുകളിലാണ് നിരക്ക്.

എന്നാൽ വന്ദേ ഭാരത് സ്ലീപ്പറിൽ തേർഡ് എസിക്ക് ഏകദേശം 2,300 രൂപയും, സെക്കൻഡ് എസിക്ക് 3,000 രൂപയും, ഫസ്റ്റ് എസിക്ക് 3,600 രൂപയുമാണ് പ്രതീക്ഷിക്കുന്നത്.

സമയലാഭത്തിനൊപ്പം പണവും ലാഭിക്കാം എന്നതിനാൽ ഈ ട്രെയിനിന് വൻ സ്വീകാര്യത ലഭിക്കുമെന്നാണ് അധികൃതരുടെ കണക്കുകൂട്ടൽ.

English Summary

Indian Railways is set to revolutionize long-distance travel with the launch of the first Vande Bharat Sleeper train on the Kolkata-Guwahati route. Boasting a top speed of 180 km/h with jerk-free motion, the train features 16 coaches equipped with premium berths, automatic doors, and advanced safety sensors. Aimed at journeys over 1,000 km, it offers a high-speed alternative to flights at nearly half the cost, with fares starting at approximately ₹2300 for 3rd AC.