കാമുകിക്കൊപ്പമുള്ള സ്വകാര്യ ദൃശ്യങ്ങൾ പ്രചരിപ്പിച്ചെന്ന പരാതിയിൽ കേസെടുത്തു; 27 വയസുകാരൻ തൂങ്ങി മരിച്ചു
തിരുവനന്തപുരം: കാമുകിയുമായി ബന്ധപ്പെട്ട സ്വകാര്യ ദൃശ്യങ്ങൾ പ്രചരിപ്പിച്ചെന്ന പരാതിയിൽ പൊലീസ് കേസെടുത്തതിന് പിന്നാലെ 27 വയസ്സുകാരനായ യുവാവിനെ മരിച്ച നിലയിൽ കണ്ടെത്തി.
തോന്നയ്ക്കൽ ലാൽഭാഗ് നഗർ ഉഷഭവനിൽ കിരൺ ആണ് മരിച്ചത്. സമീപത്തെ സുഹൃത്തിന്റെ വീട്ടിനുള്ളിൽ തൂങ്ങിയ നിലയിലാണ് കിരണിനെ കണ്ടെത്തിയത്.
കിരണുമായി പ്രണയത്തിലായിരുന്ന യുവതിയുമായി ബന്ധപ്പെട്ട സ്വകാര്യ ദൃശ്യങ്ങൾ പകർത്തി പ്രചരിപ്പിച്ചുവെന്ന പരാതിയുമായി യുവതിയുടെ കുടുംബമാണ് പൊലീസിനെ സമീപിച്ചത്.
പരാതിയുടെ അടിസ്ഥാനത്തിൽ കിരൺ ഉൾപ്പെടെ നാല് പേർക്കെതിരെ പൊലീസ് കേസെടുത്തു.
കേസുമായി ബന്ധപ്പെട്ട മാനസിക സംഘർഷത്തിലാണ് കിരൺ കഴിഞ്ഞിരുന്നതെന്ന് ബന്ധുക്കളും സുഹൃത്തുക്കളും പറയുന്നു. ദൃശ്യങ്ങൾ താൻ പ്രചരിപ്പിച്ചിട്ടില്ലെന്നും, ഫോണിൽ സൂക്ഷിച്ചിരുന്നവ അറിവില്ലാതെ പുറത്തായിരിക്കാമെന്നുമാണ് കിരൺ അടുത്തവരോട് വ്യക്തമാക്കിയിരുന്നത്.
സംഭവത്തിന്റെ എല്ലാ വശങ്ങളും വിശദമായി പരിശോധിച്ച ശേഷമേ യഥാർത്ഥ സ്ഥിതി വ്യക്തമാകുകയുള്ളുവെന്ന് പൊലീസ് അറിയിച്ചു.
കേസെടുത്തതിന് പിന്നാലെ പ്രദേശത്ത് പൊലീസ് വാഹനങ്ങൾ എത്തിയതോടെ ഭയന്ന കിരൺ വീട്ടിൽ നിന്ന് മാറിനിന്നതായും, ഞായറാഴ്ച രാത്രി സമീപത്തെ സുഹൃത്തിന്റെ വീട്ടിലെത്തിയതായും ബന്ധുക്കൾ പറഞ്ഞു.
തിങ്കളാഴ്ച രാവിലെ സുഹൃത്തിനൊപ്പം ഉറങ്ങിയ കിരണിനെ പിന്നീട് വീടിനുള്ളിലെ ഹുക്കിൽ തൂങ്ങിയ നിലയിലാണ് കണ്ടെത്തിയത്.
ഉടൻ തന്നെ കിരണിനെ ചിറയിൻകീഴ് സർക്കാർ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പൊലീസ് വിശദമായ അന്വേഷണം ആരംഭിച്ചിട്ടുണ്ട്.
English Summary
A 27-year-old man was found dead in Thiruvananthapuram after a police case was registered against him for allegedly circulating private visuals involving his girlfriend. The deceased, identified as Kiran, was reportedly under severe mental stress following the case. Police have launched a detailed investigation to determine the circumstances surrounding the death.
thiruvananthapuram-private-video-case-youth-found-dead
Thiruvananthapuram, Youth Death, Private Video Case, Police Investigation, Relationship Dispute, Mental Stress, Kerala News
