ചൂടിൽ വലഞ്ഞ് നാട്; ഇടുക്കിയും വയനാടും ഒഴികെ എല്ലായിടത്തും യെല്ലോ അലർട്ട്

ചൂടിൽ വലഞ്ഞ് നാട്; ഇടുക്കിയും വയനാടും ഒഴികെ എല്ലായിടത്തും യെല്ലോ അലർട്ട്

തിരുവനന്തപുരം: സംസ്ഥാനത്ത് കൊടുംചൂട് തുടരുന്നതിനിടെ 12 ജില്ലകളിൽ ഉയർന്ന താപനില മുന്നറിയിപ്പ് തുടരുന്നു. ഇടുക്കിയും വയനാടും ഒഴികെയുള്ള ജില്ലകളിലാണ് മുന്നറിയിപ്പ് പുറപ്പെടുവിച്ചിരിക്കുന്നത്.

പാലക്കാട് ജില്ലയിൽ 40 ഡിഗ്രി സെൽഷ്യസ് വരെ താപനില ഉയരാനിടയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കൊല്ലം 39 ഡിഗ്രി സെൽഷ്യസ്, കോട്ടയം 38 ഡിഗ്രി സെൽഷ്യസ് വരെ ഉയരാം. മറ്റ് പല ജില്ലകളിലും 36 മുതൽ 37 ഡിഗ്രി സെൽഷ്യസ് വരെ താപനില രേഖപ്പെടുത്താൻ സാധ്യതയുണ്ട്.

സാധാരണയേക്കാൾ 2 മുതൽ 3 ഡിഗ്രി വരെ കൂടുതൽ ചൂട് അനുഭവപ്പെടുമെന്നും, ഉയർന്ന താപനിലയും ഈർപ്പമുള്ള വായുവും ചേർന്നാൽ അസ്വസ്ഥത കൂടാനിടയുണ്ടെന്നും മുന്നറിയിപ്പ്.

സൂര്യാഘാതം, നിർജലീകരണം തുടങ്ങിയ ആരോഗ്യപ്രശ്നങ്ങൾ ഒഴിവാക്കാൻ ജാഗ്രത പാലിക്കണമെന്ന് അധികൃതർ നിർദേശിച്ചു. പകൽ 11 മുതൽ 3 വരെ നേരിട്ട് സൂര്യപ്രകാശം ഒഴിവാക്കുകയും ധാരാളം വെള്ളം കുടിക്കുകയും വേണം.

കൂടാതെ, ഇളം നിറത്തിലുള്ള വസ്ത്രങ്ങൾ ധരിക്കുക, കുടയോ തൊപ്പിയോ ഉപയോഗിക്കുക, പഴങ്ങളും പച്ചക്കറികളും കൂടുതൽ ഉൾപ്പെടുത്തുക തുടങ്ങിയ മുൻകരുതലുകളും പാലിക്കണമെന്ന് നിർദേശം.

English Summary

Thiruvananthapuram: Severe heat continues across Kerala, with high temperature warnings issued in 12 districts. Palakkad may record up to 40°C, while several other districts are expected to see temperatures between 36°C and 39°C.

Authorities warn that temperatures may remain 2–3°C above normal, increasing discomfort and health risks like heatstroke and dehydration. People are advised to stay hydrated and avoid direct sun exposure during peak hours.