കുടുംബ ബജറ്റ് താളം തെറ്റുമോ? മിൽമ പാലിന് ലിറ്ററിന് 4 രൂപ വരെ കൂടിയേക്കും. 29-ന് നിർണ്ണായക ബോർഡ് യോഗം

കുടുംബ ബജറ്റ് താളം തെറ്റുമോ? മിൽമ പാലിന് ലിറ്ററിന് 4 രൂപ വരെ കൂടിയേക്കും. 29-ന് നിർണ്ണായക ബോർഡ് യോഗം

തിരുവനന്തപുരം: സംസ്ഥാനത്ത് മിൽമ പാലിന്റെ വില വർധിപ്പിക്കാൻ നീക്കം ശക്തമായി. ലിറ്ററിന് നാലുരൂപ വരെ വർധന പരിഗണനയിലാണെന്ന് അധികൃതർ അറിയിച്ചു.

ഇതു സംബന്ധിച്ച അന്തിമ തീരുമാനം 29ന് ചേരുന്ന ഡയറക്ടർ ബോർഡ് യോഗത്തിൽ ഉണ്ടാകും. വില വർധന അനിവാര്യമാണെന്നും മിൽമയ്ക്ക് അതിനുള്ള അധികാരമുണ്ടെന്നും ചെയർമാൻ കെ.എസ്. മണി വ്യക്തമാക്കി.

സർക്കാരിന്റെ നിലപാട് കൂടി പരിഗണിച്ച ശേഷമായിരിക്കും തീരുമാനം നടപ്പാക്കുക. ഇതുമായി ബന്ധപ്പെട്ട് മിൽമ വീണ്ടും സർക്കാരിന് കത്ത് നൽകുമെന്നും അധികൃതർ അറിയിച്ചു.

മുൻപ് നൽകിയ കത്തിന് വ്യക്തമായ മറുപടി ലഭിച്ചിട്ടില്ലെന്നും തിരഞ്ഞെടുപ്പ് പെരുമാറ്റച്ചട്ടം കാരണം തീരുമാനത്തിൽ വൈകിയതാണെന്നും സൂചന. മൂന്ന് വർഷമായി പാലിന്റെ വില കൂട്ടാത്ത സാഹചര്യത്തിൽ ഇനി വില വർധന ഒഴിവാക്കാനാകില്ലെന്നാണ് വിലയിരുത്തൽ.

വില വർധന ആവശ്യപ്പെട്ട് മുൻപ് തന്നെ മിൽമ സർക്കാരിനെ സമീപിച്ചിരുന്നുവെന്നും ബന്ധപ്പെട്ട യൂണിയൻ പ്രതിനിധികൾ അറിയിച്ചു.

English Summary

Thiruvananthapuram: Milma is planning to increase milk prices in Kerala by up to ₹4 per litre. A final decision will be taken at the board meeting scheduled for April 29.

Officials stated that the hike is necessary as prices have not been revised for three years. The proposal will be implemented after consulting the state government.