17 വര്ഷത്തിനു ശേഷം ഒരിക്കല് കൂടി ട്വന്റി20 കിരീടം സ്വന്തമാക്കിയിരിക്കുകയാണ്. ലോകകപ്പുമായി ഇന്ത്യയിലെത്തിയ ടീമിന് മുംബയിൽ നൽകിയ സ്വീകരണം ആരാധകരുടെ മനസ്സിൽ ഏറെക്കാലം നിലനിൽക്കും.
ലക്ഷങ്ങളാണ് രോഹിത് ശര്മയുടെ നേതൃത്വത്തിലുള്ള ഇന്ത്യന് ടീമിനോടുള്ള സ്നേഹം പ്രകടിപ്പാക്കാന് മുംബൈയിലെ മറൈന് ഡ്രൈവിലെത്തിച്ചേര്ന്നത്. (Sanju’s mass entry as a surprise during Panda’s interview video)
ലോകകപ്പ് കഴിഞ്ഞതിനു ശേഷമുള്ള ഒരു വീഡിയോ ഇപ്പോൾ സമൂഹമാധ്യമങ്ങളിൽ വൈറലാകുകയാണ്. ബാര്ബഡോസിലെ കെന്സിംഗ്ടണ് ഓവലില് നടന്ന ഫൈനലില് ദക്ഷിണാഫ്രിക്കയെ തോല്പ്പിച്ച ഇന്ത്യ കിരീടം നേടിയ ശേഷം പാണ്ഡ്യയുമായുള്ള ഒരു അഭിമുഖത്തിനിടെയായിരുന്നു സംഭവം.
അഭിമുഖത്തിനിടയിലേക്ക് അപ്രതീക്ഷിതമായി സഞ്ജു കയറിവരികയും പാണ്ഡ്യയെ ആലിംഗനം ചെയ്യുകയുമായിരുന്നു. പിന്നീട് ഹാര്ദികും സഞ്ജുവും ചേര്ന്ന് സംസാരിക്കുന്നത് വീഡിയോയിൽ കാണാം.
”ലോക ക്രിക്കറ്റിന് ഇന്ത്യ ഒരുപാട് കാര്യങ്ങള് നല്കിയിട്ടുണ്ട്. ഈ സമയമത്രയും ഞങ്ങള് അത് നല്കുകയായിരുന്നു, ഇപ്പോള് അത് തിരികെ എടുക്കാനുള്ള സമയമായി. അതിനാല് ക്രിക്കറ്റ് അത് ഞങ്ങള്ക്ക് തിരികെ നല്കി. ബാര്ബഡോസില് എന്തായാലും ഞങ്ങള്ക്ക് നല്ല സമയം ആരംഭിച്ചു” സഞ്ജു പറഞ്ഞു. വൈറലായ വീഡിയോ കാണാം.
