കൽപ്പറ്റ: വൈത്തിരി താലൂക്ക് ആശുപത്രിയിൽ ആരോഗ്യമന്ത്രിയെ സ്വീകരിക്കുന്നതിനായി പടക്കം പൊട്ടിക്കലും, ചെണ്ടമേളവും. സ്ത്രീകളുടെയും, കുട്ടികളുടെയും വാർഡിന്റെ ഉദ്ഘാടനം നിർവഹിക്കുന്നതിനായി ആരോഗ്യമന്ത്രി വീണ ജോർജ് എത്തിയപ്പോഴായിരുന്നു സംഭവം.
ടി സിദ്ധിഖ് എംഎൽഎയും പരുപാടിയിൽ മന്ത്രിക്കൊപ്പമുണ്ടായിരുന്നു. അത്യാഹിത വിഭാഗത്തിന് പുറകിലായി പടക്കം പൊട്ടിച്ചത് ആശുപത്രി അധികൃതരുടെ ഭാഗത്തുനിന്നുള്ള ഗുരുതര വീഴ്ചയാണ്.
എംഎൽഎയടക്കമുള്ള വൈത്തിരി താലൂക്കിലെ ടീം നന്നായി പ്രവർത്തിച്ചുവെന്ന് പരുപാടിയുമായി ബന്ധപ്പെട്ട് മന്ത്രി വീണ ജോർജ് മാധ്യമങ്ങളോട് പറഞ്ഞത്.
ഇനി മെഡിക്കൽ കോളേജുകൾ വയനാടും കാസർഗോഡും കൂടി വരണമെന്ന് ഉദ്ഘാടനത്തിനെത്തിയ മന്ത്രി വീണ ജോർജ് പറഞ്ഞു. പാലക്കാട് എസ്‌സി, എസ്ടി വകുപ്പിന്റെ മെഡിക്കൽ കോളേജുണ്ടെന്നും, മറ്റ് 11 ഇടത്തും മെഡിക്കൽ കോളേജ് സ്ഥാപിക്കാൻ കഴിഞ്ഞുവെന്നും മന്ത്രി കൂട്ടിച്ചേർത്തു.
കേരളത്തിൽ ഇനിയുള്ള രണ്ട് ജില്ലകളിലും ധനസഹായം നൽകണമെന്ന് കേന്ദ്രത്തോട് ആവശ്യപ്പെട്ടിട്ടുണ്ടെന്നും, അത് കിട്ടുമെന്ന് തന്നെയാണ് പ്രതീക്ഷിക്കുന്നതെന്നും ആരോഗ്യവകുപ്പ് മന്ത്രി വീണ ജോർജ് കൂട്ടിച്ചേത്തു.
