കാൺപൂർ റെയിൽവേ സ്റ്റേഷനിൽ ഓടുന്ന ട്രെയിനിൽ നിന്ന് ചാടിയ സ്ത്രീയെ രക്ഷിക്കാൻ റെയിൽവേ പോലീസ് ഉദ്യോഗസ്ഥർ.ട്രെയിൻ നീങ്ങാൻ തുടങ്ങിയപ്പോൾ, കൂടെ യാത്ര ചെയ്യേണ്ട കുട്ടികൾ പ്ലാറ്റ്ഫോമിൽ ഉണ്ടെന്ന് തിരിച്ചറിഞ്ഞ യുവതി, പ്ലാറ്റ്ഫോമിലേക്ക് ചാടാൻ ശ്രമിക്കുമ്പോഴാണ് അപകടം സംഭവിച്ചത്. Railway police rescue woman trapped in gap between train and platform
നവംബർ 23 ശനിയാഴ്ച, യുവതി കാൺപൂരിൽ നിന്ന് ഡൽഹിയിലേക്ക് യാത്ര ചെയ്യുന്നതിനിടെയാണ് ഈ സംഭവം. ശ്രം ശക്തി എക്സ്പ്രസിൽ ആണ് ഇവർ കയറിയത്, എന്നാൽ കുട്ടികൾ കയറുന്നതിന് മുമ്പേ ട്രെയിൻ നീങ്ങാൻ തുടങ്ങി. കോച്ചിന്റെ വാതിലിനു പുറത്ത് നിന്നാണ് അവൾ കുട്ടികളെ വിളിച്ചത്. ഇതിന് പിന്നാലെ, അവർ പ്ലാറ്റ്ഫോമിലേക്ക് ചാടാൻ ശ്രമിക്കുകയായിരുന്നു. ഉദ്യോഗസ്ഥരുടെ സമയബന്ധിതമായ ഇടപെടലാണ് ഇവരെ രക്ഷിക്കാൻ സഹായിച്ചത്.
ട്രെയിനിൻ്റെ കോച്ചിൽ നിന്ന് ചാടിയ യുവതി ട്രെയിനിനും പ്ലാറ്റ്ഫോമിനുമിടയിലുള്ള വിടവിൽ കുടുങ്ങി. ഓടുന്ന ട്രെയിൻ ഇവരെ വലിച്ചിഴച്ചു. ഉടൻ തന്നെ ജിആർപി സബ് ഇൻസ്പെക്ടർ ശിവ് സാഗർ ശുക്ലയും കോൺസ്റ്റബിൾ അനൂപ് കുമാർ പ്രജാപതിയും ചേർന്ന് യുവതിയെ രക്ഷപ്പെടുത്തുകയായിരുന്നു. സംഭവത്തിൻ്റെ 11 സെക്കൻഡ് ദൈർഘ്യമുള്ള വീഡിയോ പുറത്തുവന്നിട്ടുണ്ട്.
