തൃശൂർ: പൊലീസ് ഉദ്യോഗസ്ഥൻ ട്രെയിന് മുന്നിൽ ചാടി ജീവനൊടുക്കി. തൃശൂർ വടക്കാഞ്ചേരിയിലാണ് സംഭവം. പൊലീസ് കൺട്രോൾ റൂമിലെ സിവിൽ പൊലീസ് ഓഫീസർ രമേഷ് ബാബു(49)വാണ് മരിച്ചത്.
രമേശ് ബാബുവിന്റെ മൃതദേഹത്തിന് സമീപത്ത് നിന്ന് ആത്മഹത്യ കുറിപ്പ് കണ്ടെത്തിയിട്ടുണ്ട്. ജീവിതം മടുത്തു എന്നാണ് ആത്മഹത്യകുറിപ്പിൽ എഴുതിയിരിക്കുന്നത്. ഇയാള് മദ്യത്തിന് അടിമയായിരുന്നു എന്നാണ് വിവരം. അവിവാഹിതനാണ്. പൊലീസ് എത്തി ഇൻക്വിസ്റ്റ് നടപടികൾ ആരംഭിച്ചു.
