ഇടുക്കി ഡാമിൽ സുരക്ഷ ഏരിയയുടെ ഗേറ്റ് മറികടന്ന പാലക്കാട് സ്വദേശികളെ പോലീസ് അറസ്റ്റ് ചെയ്തു. ആലത്തൂർ താലൂക്കിൽ കാവശ്ശേരി വില്ലേജ് പാടൂർ പ്രദേശത്ത് പരിധിയിൽ താമസിക്കുന്ന തെക്കുമണ്ണ് വീട്ടിൽ നൗഷാദ് ( 32) തെക്കുമണ്ണു വീട്ടിൽ അബു ( 36 ) എന്നിവരെയാണ് അറസ്റ്റ് ചെയ്തത്. Police arrest Palakkad natives for crossing the security area gate at Idukki Dam
ഇവർ കയറുന്നത് കണ്ട് ചെറുതോണി ഡാം സുരക്ഷ ഡ്യൂട്ടിയിലുള്ള പോലീസ് ഉദ്യോഗസ്ഥർ തടഞ്ഞുനിർത്തി. തുടർന്ന് ഇടുക്കി പോലീസ് സ്റ്റേഷനിൽ നിന്നും സബ് ഇൻസ്പെക്ടറും പോലീസ് ഉദ്യോഗസ്ഥരും എത്തി ഇവരെ അറസ്റ്റ് ചെയ്യുകയായിരുന്നു. തുടർന്ന് ഇടുക്കി പോലീസ്കസ്റ്റഡിയിലെടുത്ത് ഇടുക്കി പോലീസ് സ്റ്റേഷനിൽ കേസ് രജിസ്റ്റർ ചെയ്തു.
കഴിഞ്ഞ വർഷം ഇടുക്കി ഡാമിൽ എത്തിയ വ്യക്തി അവിടെയുള്ള പൂട്ടുകൾ താഴിട്ടു പൂട്ടിയ ശേഷം വിദേശത്തേക്ക് കടന്നിരുന്നു. ഇതിന് ശേഷം സുരക്ഷ പതിന്മടങ്ങ് വർധിപ്പിച്ചിരുന്നു.
