വാഹനത്തിന്റെ ടയർ മാറ്റുന്നതിനിടെ കണ്ടെയ്നർ ലോറി ഇടിച്ചു; യുവാവിന് ദാരുണാന്ത്യം

പഞ്ചർ ആയതിനെ തുടർന്ന് പിക്അപ്പ് വാനിൻ്റെ ടയർ മാറ്റി ഇടുകയായിരുന്നു

ആലപ്പുഴ: ടയർ മാറ്റുന്നതിനിടെ കണ്ടയ്നർ ലോറി ഇടിച്ച് പിക്അപ്പ് വാനിൻ്റെ ഡ്രൈവർ മരിച്ചു. ചെങ്ങന്നൂർ എംസി റോഡിലാണ് ദാരുണ സംഭവം നടന്നത്. തൃശൂർ അളഗപ്പനഗർ സ്വദേശി സുധീഷ് (39) ആണ് മരിച്ചത്.(Lorry accident; driver died)

പഞ്ചർ ആയതിനെ തുടർന്ന് പിക്അപ്പ് വാനിൻ്റെ ടയർ മാറ്റി ഇടുകയായിരുന്നു. ഈ സമയം പിറകിൽ നിന്നും വന്ന കണ്ടയ്നർ ലോറി സുധീഷിനെ ഇടിച്ചാണ് അപകടം സംഭവിച്ചത്. തിരുവനന്തപുരത്തേക്ക് അലുമിനിയം ഷീറ്റ് കൊണ്ടുപോവുകയായിരുന്ന പിക്അപ്പ് വാനിന്റെ ഡ്രൈവർ ആണ് സുധീഷ്.