കല്യാണി–പ്രണവ് വിവാഹം? അഭ്യൂഹങ്ങൾക്ക് ‘വ്യാജ വാർത്ത’ എന്ന് ലിസിയുടെ മറുപടി
സോഷ്യൽ മീഡിയയിൽ പ്രചരിച്ച കല്യാണി–പ്രണവ് വിവാഹ അഭ്യൂഹങ്ങൾക്ക് പ്രതികരണവുമായി നടി ലിസി ലക്ഷ്മി രംഗത്ത്.
വിഷു ആശംസകൾ പങ്കുവെച്ച തന്റെ ഇൻസ്റ്റഗ്രാം പോസ്റ്റിന് താഴെ “കല്യാണി–പ്രണവ് വിവാഹത്തിന് കാത്തിരിക്കുന്നു” എന്ന കമന്റിനാണ് ലിസി നേരിട്ട് മറുപടി നൽകിയിരിക്കുന്നത്. “വ്യാജ വാർത്ത!” എന്നായിരുന്നു ലിസിയുടെ ചുരുക്കമായ പ്രതികരണം.
കല്യാണി പ്രിയദര്ശനും പ്രണവ് മോഹന്ലാലും തമ്മിലുള്ള ബന്ധത്തെക്കുറിച്ചുള്ള ഗോസിപ്പുകൾ ഏറെക്കാലമായി സോഷ്യൽ മീഡിയയിൽ പ്രചരിക്കുന്നതാണ്. ഇരുവരും വിവാഹിതരാകുമെന്ന തരത്തിലുള്ള അഭ്യൂഹങ്ങൾ പലതവണ ഉയർന്നിട്ടുണ്ട്.
‘ഹൃദയം’ ഉൾപ്പെടെ ‘മരക്കാർ: അറബിക്കടലിന്റെ സിംഹം’, ‘വർഷങ്ങൾക്ക് ശേഷം’ എന്നീ ചിത്രങ്ങളിൽ ഇരുവരും ഒന്നിച്ച് അഭിനയിച്ചിട്ടുണ്ട്.
ഇത്തരത്തിലുള്ള വാർത്തകൾക്ക് യാഥാർത്ഥ്യമില്ലെന്ന് കല്യാണി തന്നെ മുൻപ് വ്യക്തമാക്കിയിട്ടുണ്ട്. ‘ഹൃദയം’ സിനിമയുടെ പ്രചാരണ സമയത്ത് സിനിമയ്ക്ക് ഹൈപ്പ് ഉണ്ടാക്കാനായി ഇത്തരം കാര്യങ്ങൾ പ്രചരിപ്പിച്ചിരുന്നുവെന്ന് കല്യാണി ഒരു അഭിമുഖത്തിൽ പറഞ്ഞിരുന്നു.
സിനിമാ ബന്ധം മാത്രം; അഭ്യൂഹങ്ങൾക്ക് വിരാമം
ഇരുവരും ‘ഹൃദയം’ ഉൾപ്പെടെ ചില ചിത്രങ്ങളിൽ ഒന്നിച്ച് അഭിനയിച്ചിട്ടുണ്ട്. അതിനാൽ തന്നെ ഇരുവരെയും കുറിച്ച് ഇത്തരം അഭ്യൂഹങ്ങൾ വീണ്ടും വീണ്ടും ഉയരുന്നതാണ്.
ലിസിയുടെ പുതിയ പ്രതികരണത്തോടെ വീണ്ടും ഉയർന്ന വിവാഹ ചർച്ചകൾക്ക് താൽക്കാലികമായി വിരാമമായിരിക്കുകയാണ്.
English Summary:
Veteran Malayalam actress Lissy Lakshmi has dismissed rumours about Kalyani Priyadarshan and Pranav Mohanlal’s marriage, calling them fake news. She responded directly to a social media comment that speculated about their wedding, putting an end to fresh buzz around the topic. The rumours had been circulating for a long time, largely due to their on-screen pairing in films like Hridayam, Marakkar: Arabikadalinte Simham, and Varshangalkku Shesham. However, both Kalyani and her family have consistently denied any romantic involvement.
