ഇൻഡിഗോ വിമാനത്തിന്റെ എൻജിനിൽ കാറ്ററിങ് വാഹനം ഇടിച്ചു; വലിയ അപകടം ഒഴിവായത് തലനാരിഴയ്ക്ക്
കൊൽക്കത്ത: സർവീസിന് മുമ്പുള്ള പരിശോധനയ്ക്കായി നിലത്തിറക്കിയിരുന്ന ഇൻഡിഗോ വിമാനത്തിന്റെ എൻജിനിൽ കാറ്ററിങ് വാഹനം ഇടിച്ച സംഭവത്തിൽ ആശങ്ക. കൊൽക്കത്ത വിമാനത്താവളത്തിലെ പാർക്കിങ് ബേ നമ്പർ 51 ലാണ് അപകടം ഉണ്ടായത്.
നിയന്ത്രണം വിട്ട കാറ്ററിങ് വാഹനം മുന്നോട്ട് നീങ്ങി വിമാനത്തിന്റെ എൻജിനുമായി കൂട്ടിയിടിച്ചതായി അധികൃതർ അറിയിച്ചു. സംഭവത്തിൽ വിമാനത്തിന് ചെറിയ കേടുപാടുകൾ സംഭവിച്ചു.
സംഭവത്തെ തുടർന്ന് വിമാനം സമഗ്ര പരിശോധനയ്ക്കും ആവശ്യമായ അറ്റകുറ്റപ്പണികൾക്കും വിധേയമാക്കിയിട്ടുണ്ട്.
കൊൽക്കത്തയിൽ നിന്ന് ഗുവാഹത്തിയിലേക്ക് സർവീസ് നടത്താനിരുന്ന 6E 6663 എന്ന ഇൻഡിഗോ വിമാനമാണ് അപകടത്തിൽപ്പെട്ടത്.
English Summary
An IndiGo aircraft was damaged after a catering vehicle collided with its engine at Kolkata airport. The plane, scheduled for a Guwahati flight, is undergoing inspection and repairs.
IndiGo, Kolkata Airport, Aviation News, Aircraft Incident, India News, Flight 6E 6663, Airport Safety, Breaking News
