കാർ മാറ്റുന്നതിനിടെ അപകടം; അരമണിക്കൂർ വാഹനത്തിനടിയിൽ കുടുങ്ങിയ യുവാവ്
കൊച്ചി: വീട്ടുമുറ്റത്ത് കാർ മാറ്റി പാർക്ക് ചെയ്യുന്നതിനിടെ ഉണ്ടായ അപകടത്തിൽ യുവാവ് അരമണിക്കൂറോളം വാഹനത്തിനടിയിൽ കുടുങ്ങി. മുളന്തുരുത്തി സ്വദേശി അഖിൽ രാജ് (30) ആണ് വാഹനത്തിനടിയിൽ കുടുങ്ങിയത്.
വ്യാഴാഴ്ച രാത്രി ഒൻപത് മണിയോടെയായിരുന്നു സംഭവം. കാർ മാറ്റുന്നതിനായി ഭാര്യ വാഹനം സ്റ്റാർട്ട് ചെയ്തപ്പോൾ, പരിചയക്കുറവ് കാരണം ബ്രേക്കിന് പകരം ആക്സിലറേറ്റർ അമർത്തി.
തുടർന്ന് നിയന്ത്രണം വിട്ട കാർ മുന്നിൽ നിന്നിരുന്ന അഖിൽ രാജിനെ ഇടിച്ചു തെറിപ്പിക്കുകയും ഏകദേശം 50 മീറ്റർ വരെ വലിച്ചിഴച്ച് കൊണ്ടുപോകുകയും ചെയ്തു.
കാർ മതിലിനും രണ്ട് മരങ്ങൾക്കും ഇടയിലേക്ക് ഇടിച്ച് കയറിയതോടെ അഖിൽ രാജ് വാഹനത്തിനടിയിൽ കുടുങ്ങി.
ഒറ്റ വർഷത്തിൽ വലിയ മാറ്റം; അക്ഷയ തൃതീയക്ക് മുന്നോടിയായി സ്വർണവില കുതിപ്പ്
വാഹനവും ചുറ്റുപാടുകളും തമ്മിൽ കുടുങ്ങിയതിനാൽ നാട്ടുകാർക്ക് ഉടൻ രക്ഷാപ്രവർത്തനം നടത്താൻ കഴിഞ്ഞില്ല.
വിവരം ലഭിച്ചതോടെ എത്തിയ ഫയർഫോഴ്സ് സംഘം ആദ്യം ജെസിബി ഉപയോഗിച്ച് മതിൽ പൊളിച്ച് നീക്കി.
തുടർന്ന് വാഹനത്തിനടിയിലെ മണ്ണ് കൈകൊണ്ട് നീക്കി ചെറിയ കുഴിയുണ്ടാക്കി യുവാവിനെ പുറത്തെടുത്തു.
തലയ്ക്കും കാലിനും പരിക്കേറ്റ അഖിൽ രാജിനെ വിദഗ്ധ ചികിത്സയ്ക്കായി ആശുപത്രിയിലേക്ക് മാറ്റി.
English Summary
A man in Kochi remained trapped under a car for nearly 30 minutes after a parking mishap at his home. His wife, who was driving the vehicle, lost control and hit him, dragging him a considerable distance before the car got wedged between a wall and trees. This position prevented locals from rescuing him immediately. Soon, fire force personnel arrived, carried out a challenging rescue operation, and pulled him out. He later went to a hospital for treatment of his injuries.
