നെഞ്ചിടിപ്പിന്റെ നിമിഷങ്ങൾ! 161 യാത്രക്കാരുമായി ഇൻഡിഗോ വിമാനം അടിയന്തരമായി നിലത്തിറക്കി
ന്യൂഡൽഹി: എൻജിൻ തകരാർ സംശയത്തെ തുടർന്ന് 161 യാത്രക്കാരുമായി വന്ന ഇൻഡിഗോ വിമാനം ഡൽഹി വിമാനത്താവളത്തിൽ അടിയന്തരമായി നിലത്തിറക്കി. സംഭവം നടന്നതോടെ വിമാനത്താവളത്തിൽ ജാഗ്രതാ നിർദേശം പുറപ്പെടുവിച്ചു.
ആന്ധ്രപ്രദേശിലെ വിശാഖപട്ടണത്തിൽ നിന്ന് ഡൽഹിയിലേക്ക് വരികയായിരുന്ന ബോയിങ് 737 വിമാനമാണ് അടിയന്തര ലാൻഡിങ് നടത്തിയത്. രാവിലെ 10.53നാണ് വിവരം അഗ്നിശമന സേനയ്ക്ക് ലഭിച്ചത്. തുടർന്ന് ഉടൻ തന്നെ സേന സ്ഥലത്തെത്തി സുരക്ഷാ നടപടികൾ സ്വീകരിച്ചു.
വിമാനത്തിലെ എല്ലാ യാത്രക്കാരെയും സുരക്ഷിതമായി പുറത്തേക്കെത്തിച്ചതായും, വിമാനത്തിന് കാര്യമായ കേടുപാടുകളൊന്നും സംഭവിച്ചിട്ടില്ലെന്നും അധികൃതർ അറിയിച്ചു.
സംഭവത്തിന്റെ കാരണം സംബന്ധിച്ച് കൂടുതൽ പരിശോധന തുടരുകയാണെന്ന് അധികൃതർ വ്യക്തമാക്കി.
English Summary
An IndiGo flight with 161 passengers made an emergency landing at Delhi airport due to suspected engine trouble. All passengers are safe and no damage was reported.
