കട്ടപ്പന നഗരത്തിൽ തർക്കത്തെ തുടർന്ന് യുവാവിനെ കാർ കയറ്റി കൊലപ്പെടുത്താൻ ശ്രമിച്ച സംഭവത്തിൽ പ്രതി അറസ്റ്റിലായതായി സൂചന. കാഞ്ചിയാർ സ്വദേശി ജസ്റ്റിനാണ് അറസ്റ്റിലായത്. ഞായറാഴ്ച രാത്രിയാണ് കട്ടപ്പന ഇടശേരി ജങ്ഷനിൽ വധശ്രമം ഉണ്ടായത്. ബാറിന് മുന്നിൽ നിർത്തിയിട്ടിരുന്ന കാറിന് മുന്നിൽ കട്ടപ്പന സ്വദേശി ക്രിസ്റ്റോ മാത്യു ബൈക്ക് പാർക്ക് ചെയ്തത് കാറിലിരുന്ന യുവാക്കൾ ചോദ്യം ചെയ്തു.തുടർന്ന് ക്രിസ്റ്റോ മാത്യുവും ജസ്റ്റിനും ഉൾപ്പെടെയുള്ള യുവാക്കളുമായി വാക്കേറ്റമുണ്ടായി. പിന്നീട് ക്രിസ്റ്റോ സെൻട്രൽ ജങ്ഷനിലേക്ക് ബൈക്കിൽ പോയി. ഈ സമയത്ത് കാറിൽ പിന്നാലെയെത്തിയ സംഘം ക്രിസ്റ്റോയെ ഇടിച്ചു വീഴ്ത്തി. റോഡിലേക്ക് തെറിച്ചു വീണ യുവാവിന്റെ ശരീരത്തിൽ കാർ കയറ്റിയിറക്കുകയായിരുന്നു.
ഈ സമയത്ത് ഓടിക്കൂടിയ നാട്ടുകാർ ക്രിസ്റ്റോയെ സമീപത്തെ ആശുപത്രിയിലും പിന്നീട് പരിക്ക് ഗുരുതരമായതിനാൽ വിദഗ്ദ്ധ ചികിത്സയ്ക്കായി കൊച്ചിയിലെ സ്പെഷ്യാലിറ്റി ഹോസ്പിറ്റലിലേയ്ക്ക് മാറ്റി. ക്രിസ്റ്റോയുടെ വാരിയെല്ലിന് പൊട്ടലുണ്ട് ശ്വാസകോശത്തിനും ക്ഷതമേറ്റിട്ടുണ്ട്. കട്ടപ്പന പോലീസ് അന്വേഷണം ആരംഭിച്ചു.
Read also: ചാര ഉപഗ്രഹ വിക്ഷേപണത്തിനിടെ ഉത്തരകൊറിയയുടെ റോക്കറ്റ് വായുവിൽ പൊട്ടിത്തെറിച്ചു
