നിലവിളക്കിൽ നിന്ന് വസ്ത്രത്തിൽ തീപടർന്ന് പൊള്ളലേറ്റ് വീട്ടമ്മ മരിച്ചു. ചകിത്സയിലിരിക്കെയാണ് മരണം. പുന്നപ്ര തെക്ക് പഞ്ചായത്ത് രണ്ടാം വാർഡ് കപ്പക്കട പീടികപ്പറമ്പിൽ പൊന്നമ്മ (76) ആണ് മരിച്ചത്.
സെപ്റ്റംബർ 28ന് വൈകുന്നേരം വീട്ടിൽ നിലവിളക്ക് കത്തിക്കവേയായിരുന്നു സംഭവം. ബഹളം കേട്ട് ഓടിക്കൂടിയ നാട്ടുകാർ ആലപ്പുഴയിലെ മെഡിക്കൽ കോളജ് ആശുപത്രിയിലെത്തിച്ചു.
പിന്നീട് എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു. ഇന്ന് രാവിലെ 8.45 ഓടെയാണ് മരിച്ചത്. പുന്നപ്ര പൊലീസ് മേൽനടപടി സ്വീകരിച്ചു. മൃതദേഹം നാളെ രാവിലെ 11.30ന് വീട്ട് വളപ്പിൽ സംസ്കരിക്കും. പരേതനായ മണിയനാണ് ഭര്ത്താവ്.”
