കളിക്കുന്നതിനിടെ വീടിന്റെ മൂന്നാം നിലയിൽ നിന്നും താഴെ വീണ് പെൺകുട്ടി മരിച്ചു. ഒപ്പമുണ്ടായിരുന്ന നാലുവയസ്സുകാരിക്ക് ഗുരുതര പരിക്ക്. ബുധനാഴ്ച രാത്രി ഏഴരയോടെയാണ് സംഭവം ഉണ്ടായത്. മട്ടാഞ്ചേരി ഗോസലേറ്റ് പറമ്പിൽ ഷക്കീറിന്റെയും സുമിനയുടെയും മകൾ നിഖിത (13) ആണ് മരിച്ചത്. ഫോർട്ടുകൊച്ചി ഫാത്തിമ ഗേൾസ് ഹൈസ്കൂളിലെ എട്ടാം ക്‌ളാസ് വിദ്യാർഥിനിയാണ്. ബുധനാഴ്ച രാത്രി ബന്ധുകൂടിയായ നാലു വയസ്സുകാരിക്കൊപ്പം കളിക്കവേ കാൽവഴുതി വീഴുകയായിരുന്നു. നിഖിത വീഴുന്നത് കണ്ട് നാലു വയസ്സുകാരി പെട്ടെന്ന് കെട്ടിപ്പിടിച്ചതോടെ ഇരുവരും മറിഞ്ഞ് താഴേക്ക് വീണു. തലയ്ക്ക് ഗുരുതര പരിക്കേറ്റ നികുതിയെ ഉടൻ എറണാകുളത്തെ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. പരിക്കേറ്റ നാലു വയസ്സുകാരി ചികിത്സയിൽ തുടരുകയാണ്.
കൊച്ചിയിൽ കളിക്കുന്നതിനിടെ വീടിന്റെ മൂന്നാം നിലയിൽ നിന്നും താഴെ വീണ് പെൺകുട്ടിക്ക് ദാരുണാന്ത്യം; ഒപ്പം വീണ നാലുവയസ്സുകാരിക്ക് ഗുരുതര പരിക്ക്
Popular Categories
Previous article
Next article