പഹല്ഗാമിലെ ഭീകരാക്രമണത്തെ അപലപിച്ച് പോസ്റ്റിട്ടതിന് പിന്നാലെ
ഇന്ത്യന് ക്രിക്കറ്റ് ടീം പരിശീലകനും മുന് താരവുമായ ഗൗതം ഗംഭീറിന് വധഭീഷണി.
ചൊവ്വാഴ്ച, ഭീകരക്രമണത്തിൽ മരിച്ചവരുടെ കുടുംബങ്ങള്ക്കുവേണ്ടി പ്രാര്ഥിക്കുന്നുവെന്നും ഇതിന് ഉത്തരവാദികളായവര് വലിയ വില കൊടുക്കേണ്ടി വരുമെന്നും ഇന്ത്യ തിരിച്ചടിക്കുമെന്നും ഗംഭീർ പോസ്റ്റ് ഇട്ടിരുന്നു.
ഇതിനു പിന്നാലെയാണ് ഗംഭീറിന് വധഭീഷണി ലഭിച്ചത്. ഐഎസ്ഐഎസ് കശ്മീര് എന്ന പേരിലാണ് വധഭീഷണി ലഭിച്ചതെന്ന് ഗംഭീര് നല്കിയ പരാതിയില് പറയുന്നു.
‘നിന്നെ ഞാന് കൊല്ലും’ എന്ന മൂന്ന് വാക്കുകള് മാത്രമുള്ള ഭീഷണി താരത്തിന് ലഭിച്ചത്. ഇ-മെയില് വഴി വന്ന ഭീഷണിയെത്തുടര്ന്ന്, ഗംഭീര് പോലീസില് പരാതി നല്കി.
ഇമെയിലിന്റെ ഉറവിടം കണ്ടെത്താനും അയച്ചയാളെ തിരിച്ചറിയാനും സൈബര് സെല് അന്വേഷണം തുടങ്ങിയിട്ടുണ്ട്.
