ഡിജിറ്റലൈസേഷൻ പ്രഭാവം; ആക്സിസ് ബാങ്കിൽ 3000 ജീവനക്കാരുടെ കുറവ്
മുംബൈ: ആക്സിസ് ബാങ്കിൽ ജീവനക്കാരുടെ എണ്ണത്തില് ഒരു വർഷത്തിനിടെ ഏകദേശം 3,000 പേർ കുറഞ്ഞതായി റിപ്പോർട്ട്.
2024-25 സാമ്പത്തിക വർഷത്തിൽ 1.04 ലക്ഷം ജീവനക്കാരുണ്ടായിരുന്ന ബാങ്കിൽ കഴിഞ്ഞ വർഷാവസാനം ഇത് 1.01 ലക്ഷമായി കുറഞ്ഞു.
ജീവനക്കാരുടെ എണ്ണത്തിൽ വന്ന കുറവ് ഡിജിറ്റലൈസേഷന്റെ സ്വാഭാവിക ഫലമാണെന്ന് ബാങ്ക് വ്യക്തമാക്കി.
സാങ്കേതിക വിദ്യയിലേക്കുള്ള നിക്ഷേപം പ്രവർത്തനക്ഷമത വർധിപ്പിച്ചുവെന്നും അറിയിച്ചു.
‘സ്വാഭാവിക മാറ്റം’; ശാഖകളും ഡിജിറ്റൽ വളർച്ചയും ഒരുമിച്ച്
ബാങ്കിന്റെ മാനേജിംഗ് ഡയറക്ടറും സിഇഒയുമായ അമിതാഭ് ചൗധരി ഈ മാറ്റം ദീർഘകാല ഡിജിറ്റൽ തന്ത്രത്തിന്റെ ഭാഗമാണെന്ന് വ്യക്തമാക്കി.
ഏതെങ്കിലും ഒരു വിഭാഗത്തെ മാത്രം ലക്ഷ്യമിട്ട് ജീവനക്കാരെ കുറച്ചിട്ടില്ലെന്നും അദ്ദേഹം കൂട്ടിച്ചേർത്തു.
ജീവനക്കാരുടെ എണ്ണം കുറച്ചിട്ടും ബാങ്ക് ഭൗതിക സാന്നിധ്യം വർധിപ്പിക്കുകയാണ്. കഴിഞ്ഞ ഒരു വർഷത്തിനിടെ രാജ്യത്തുടനീളം ഏകദേശം 400 പുതിയ ശാഖകൾ ആരംഭിച്ചു.
ഇതിനായി പുതിയ നിയമനങ്ങളും പരിശീലനങ്ങളും നൽകിയിട്ടുണ്ട്.
എഐ ജോലികൾ പിടിച്ചോ?
എഐ പോലുള്ള സാങ്കേതിക വിദ്യകൾ നേരിട്ട് ജോലി നഷ്ടപ്പെടാൻ കാരണമായിട്ടില്ലെന്ന് ബാങ്ക് വ്യക്തമാക്കി.
ഇടപാടുകൾ വേഗത്തിലാക്കാനും പ്രക്രിയകൾ ലളിതമാക്കാനുമാണ് എഐ ഉപയോഗിക്കുന്നത്.
മനുഷ്യരുടെ ജോലികളെ പൂർണ്ണമായി മാറ്റിസ്ഥാപിക്കുന്ന ഘട്ടത്തിലേക്ക് ഇതുവരെ എത്തിയിട്ടില്ലെന്നും അധികൃതർ വ്യക്തമാക്കി.
English Summary:
Axis Bank reduced its workforce by around 3,000 employees over the past year, attributing the change to increased digitalisation and improved operational efficiency. The bank stated that its continued investment in technology has streamlined processes and enhanced productivity, reducing the need for a larger workforce across various functions. At the same time, it clarified that the reduction was not targeted at any specific department but reflected an overall shift in operations. Despite the decline in employee numbers, the bank continues to expand its branch network and strengthen its digital services.
